MUTU 33
Zati Ukacite Ufumu wa Mulungu
Ufumu wa Mulungu weyamba kale kulamulila. Ndipo lombapano uyambe kulamulila pacalo nocinja vinthu. M’mutu uno, tiphunzile zinthu ziyakine zabwino zati ukaticitile Ufumu uyu.
1. Kansi Ufumu wa Mulungu ukalete tyani mtendele na cilungamo pacalo?
Yesu, Mfumu ya Ufumu wa Mulungu, akaononge ŵanthu onse aipa na maboma onse pa nkhondo ya Aramagedo. (Chivumbulutso 16:14, 16) Pa nthawi iyo, lonjezo iyi ya m’Baibo ikakwanilishiwe: “Pasala kanthawi katontho, aipa akankhaleko lini soti.” (Salimo 37:10) Yesu akaseŵenzeshe Ufumu uyu pooneshesha kuti pacalo pankhala mtendele na cilungamo.—Ŵelengani Yesaya 11:4.
2. Kansi umoyo ukankhale tyani Mulungu akayokwanilisha cifunilo cake pacalo?
Ufumu wa Mulungu ukayoyamba kulamulila pacalo, “olungama akalandile calo, ndipo akankhalemo mpaka kale-kale.” (Salimo 37:29) Yelekezelani kuti muli m’calo mwamene ŵanthu onse ni olungama, okonda Yehova ndipo okondana! Paliye ati akolwala ndipo aliyense akankhale na moyo kosasila.
3. Kansi Ufumu wa Mulungu ukacite cinji pavuli poononga ŵanthu aipa?
Ŵanthu aipa akayoonongewa, Yesu akalamulile monga Mfumu kwa vyaka 1,000. Pa nthawi iyo, yove pamozi na olamulila ayake okwanila 144,000 akayavye ŵanthu pacalo kunkhala angwilo. Kosilizhyila kwa ulamulilo wa Yesu wa vyaka 1,000, calo conse cikankhale paladaiso, ndipo ŵanthu onse akankhale osangalala cifukwa comvwila malamulo a Yehova. Pavuli pake, Yesu akapeleke ulamulilo kwa Awisi. Pa nthawi iyo, “zina ya [Yehova] ikatuŵishiwe.” (Mateyu 6:9, 10) Yehova akaoneshe kuti ni Wolamulila wabwino wamene osamalila ŵanthu ŵake. Pavuli pake, Yehova akaononge Satana, viŵanda, na ŵanthu onse ati akakane kumvwila ulamulilo wake. (Chivumbulutso 20:7-10) Madaliso yati ukalete Ufumu wa Mulungu yakankhalepo mpaka kale-kale.
PHUNZILANI ZINYINJI
Phunzilani cifukwa cake tingakhulupilile kuti Mulungu akaseŵenzeshe Ufumu wake pokwanilisha malonjezo onse ali m’Baibo.
4. Ufumu wa Mulungu ukacosepo maboma a ŵanthu
“Munthu ovutisha munthu muyake pomulamulila.” (Mlaliki 8:9) Yehova akaseŵenzeshe Ufumu wake pocosapo mavuto amene awela cifukwa ca ulamulilo wa ŵanthu.
Ŵelengani Danieli 2:44 na 2 Atesalonika 1:6-8, nokambilana makonsho aŵa:
-
Kansi Yehova na Mwana wake, Yesu, akacitenji ku maboma a ŵanthu na ŵala onse amene ocilikiza maboma aŵa?
-
Kansi zamwaphunzila zokhuza Yehova na Yesu zukusimikizhyilani tyani kuti ici cikankhale cilungamo?
5. Yesu ni Mfumu yabwino ngako
Monga Mfumu ya Ufumu wa Mulungu, Yesu akayavye ŵanthu pacalo m’njila zinyinji. Onelelani VIDYO kuti muone mwamene Yesu waoneshela kuti ofuna kuyavya ŵanthu, na kuti Mulungu wamupasa mphamvu zokwanisha kucita izo.
Zinthu zecicita Yesu peenze pacalo zeonesha zati ukacite Ufumu wa Mulungu msogolo. Pa madaliso yandandalikiwa, ni yotyani yamuyembekezela mwacidwi? Ŵelengani malemba ali kusogolo kwake amene ofotokoza za madaliso aŵa.
|
PEENZE PACALO, YESU . . . |
KULULU, YESU . . . |
|---|---|
|
|
|
|
|
|
|
|
6. Ufumu wa Mulungu ukalete madaliso anyinji
Ufumu wa Mulungu ukakwanilishe colinga ca Yehova pa ŵanthu. Ŵanthu akankhale na moyo kosasila m’paladaiso pacalo. Onelelani VIDYO kuti muone mwamene Yehova oseŵenzeshela Mwana wake, Yesu, pokwanilisha cifunilo cake.
Ŵelengani Salimo 145:16, nokambilana konsho iyi:
-
Kansi mukumvwa tyani poziŵa kuti Yehova ‘akakhutilishe zofuna za camoyo ciliconse’?
ŴANTHU AYAKINE OKAMBA KUTI: “Ngati tacitila zinthu pamozi, tingasilizhye mavuto onse pacalo.”
-
Ni mavuto otyani yati ukacosepo Ufumu wa Mulungu, yamene maboma a ŵanthu angakwanishe lini kucosapo?
MFUNDO ZACIDULE
Ufumu wa Mulungu ukakwanilishe cifunilo cake. Ukapange calo conse kunkhala paladaiso, mwamene mukankhale ŵanthu abwino, amene akolambila Yehova mpaka kale-kale.
Kuwelezhya mfundo zikulu-zikulu
-
Kansi Ufumu wa Mulungu ukatuŵishe tyani zina ya Yehova?
-
N’cinji cutipangisha kukhulupilila kuti Ufumu wa Mulungu ukakwanilishe malonjezo a m’Baibo?
-
Ni madaliso yotyani yati ukalete Ufumu yamuyembekezela mwacidwi?
FUFUZANI
Ziŵani tanthauzo ya mau akuti Aramagedo.
“Kansi Nkhondo ya Aramagedo n’Cinji?” (Nkhani yupezeka tyala pa webusaiti)
Onani vinthu vati vikacitike mkati na kosilizhyila kwa ulamulilo wa Yesu wa vyaka 1,000.
“N’cinji Cati Cikacitike pa Siku Yaciweluzo?” (Nsanja ya Olonda, September 1, 2012)
Onani mwamene mabanja angayelekezelele za madaliso yati ukalete Ufumu wa Mulungu.
M’nkhani yakuti “Nenze na Makonsho Anyinji Amene Enzonisoŵesha Mtendele,” onani mwamene wandale epezela mayankho pa makonsho yeenze nayo.
“Baibo Yucinja Umoyo wa Ŵanthu” (Nsanja ya Olonda, January 1, 2012)
