MUTU 60

Pitilizhyani Kupita Pasogolo

MVWISHILANI

M’buku ino, mwaphunzila zinyinji zokhuza Yehova. Zinthu zamwaphunzila m’buku ino zakupangishani kumukonda ngako, cakuti mwina mwefwika pozipeleka kwa Mulungu nobatizika. Ngati mukaliye, payakine muganizila zocita izi msogolo. Koma mukabatizika, mufunika lini kuleka kutang’isha ushamwali wanu na Yehova. Mungapitilizhye kuvwendela pafupi na Yehova mpaka kale-kale. Motyani?

1. Ndaŵa yanji mufunika kupitilizhya kutang’isha ushamwali wanu na Yehova?

Tufunika kucita khama kuti tipitilizhye kutang’isha ushamwali wasu na Yehova. Ndaŵa yanji? “Kuti tisatoleke patontho-patontho nosiya cikhulupililo.” (Aheberi 2:1) N’cinji cingatiyavye kuti tipitilizhye kutumikila Yehova mokhulupilika? Kunkhala otangwanika m’nchito yolalikila nopeza njila ziyakine zotumikilila Mulungu mozipeleka. (Ŵelengani Afilipi 3:16.) Kutumikila Yehova ni cosankha cabwino ngako!—Salimo 84:10.

2. N’cinji ciyakine camufunika kupitilizhya kucita?

Olo kuti apa tusilizhya kuphunzila buku ino, mufunika kupitilizhya kukulisha minkhalidwe yacikhristu. Baibo yukamba kuti tufunika ‘kuvwala umunthu walomba.’ (Aefeso 4:23, 24) Pamupitilizhya kuphunzila Mau a Mulungu na kupezeka pa misonkhano, muphunzile zinthu ziyakine zokhuza Yehova na minkhalidwe yake. Sakilani njila zamungaoneshele minkhalidwe yake pa umoyo wanu. Pitilizhyani kucinja umoyo wanu kuti mukondweleshe Yehova.

3. Kansi Yehova akuyavyeni tyani kuti mupite pasogolo?

Baibo yukamba kuti: “Mulungu . . . asilizhyishe kukuphunzisani. Akutang’isheni na kukupasani mphamvu.” (1 Petulo 5:10) Tonse tukumana na mayeselo. Koma Yehova otipasa zinthu zamene zutiyavya kulimbana na mayeselo aŵa. (Salimo 139:23, 24) Walonjeza kuti akupaseni mphamvu kuti mupitilizhye kumutumikila mokhulupilika.—Ŵelengani Afilipi 2:13.

PHUNZILANI ZINYINJI

Onani zamungacite kuti mupitilizhye kupita pasogolo, na madaliso yati akakupaseni Yehova.

4. Pitilizhyani kulaŵizhyana na Muyanu wabwino ngako, Yehova

Kuphunzila Baibo na kupemphela zakuyavyani kunkhala pa ushamwali na Yehova. Kansi izi zinthu zingakuyavyeni tyani kupitilizhya kutang’isha ushamwali uyu?

Ŵelengani Salimo 62:8, nokambilana konsho iyi:

Mungacitenji kuti muongolele mapemphelo ŵanu na colinga cakuti mutang’ishe ushamwali wanu na Yehova?

Ŵelengani Salimo 1:2, nokambilana makonsho aŵa:

Mungacitenji kuti muongolele kaŵelengedwe kanu ka Baibo na colinga cakuti mutang’ishe ushamwali wanu na Yehova?

Mungacitenji kuti mukonkhala na phunzilo ya pamweka yopindulisha? Kuti muone zinthu ziyakine zingakuyavyeni, onelelani VIDYO, nokambilana makonsho okonkhapo.

VIDYO: Zamungacite Kuti Kuphunzila Baibo Pamweka Kukonkhala Kopindulisha (5:22)

Ni zinthu zotyani zamwaona m’vidyo zamuona kuti zingakuyavyeni?
Ni nkhani zotyani zamungakonde kuphunzila pamweka?

5. Ziikileni zolinga zauzimu

Kunkhala na zolinga potumikila Yehova kukuyavyeni kuti mupitilizhye kupita pasogolo. Onelelani VIDYO, nokambilana konsho yokonkhapo.

VIDYO: Umoyo Wabwino Ngako (3:31)

M’vidyo iyi, kansi Cameron epindula tyani cifukwa coziikila zolinga zauzimu?

N’cendi kuti ni tonse lini tingakwanishe kuyotumikila ku calo ciyakine. Koma tonse tingaziikile zolinga zatingakwanilishe. Ŵelengani Miyambo 21:5, ndipo ganizilani zolinga zamungaziikile . . .

mumpingo.
mu utumiki.

Kansi mfundo ya pa lemba iyi ingakuyavyeni tyani kukwanilisha zolinga zanu?

Ziyakine mwa zolinga zamungaziikile

Ongolelani mapemphelo ŵanu.
Ŵelengani Baibo yonse.
Ziŵanani na aliyense mumpingo.
Yambishani phunzilo ya Baibo imozi nopitilizhya kuisogoza.
Citankoni upainiya woyavya olo yambani upainiya wa nthawi zonse.
Ngati nimwe mkwasu, kalamilani kuti mutumikile monga mtumiki woyavya.

6. Sangalalani na moyo kosasila!

Ŵelengani Salimo 22:26, nokambilana konsho iyi:

Mungacitenji kuti musangalale na moyo pali lomba koma soti kosasila?

MFUNDO ZACIDULE

Pitilizhyani kutang’isha ushamwali wanu na Yehova ndipo ziikileni zolinga zauzimu. Mukacita izi, musangalale na moyo kuyambila lomba, mpaka kale-kale!

Kuwelezhya mfundo zikulu-zikulu

Ndaŵa yanji mungankhale na cidalilo cakuti Yehova akuyavyeni kumutumikila mokhulupilika?
Mungacitenji kuti mupitilizhye kutang’isha ushamwali wanu na Yehova?
Kansi kuziikila zolinga zauzimu kungakuyavyeni tyani kupitilizhya kupita pasogolo?

Tasilizhya kuphunzila buku ino pa:

Zamungacite caka cikuza

Ŵelengani mabuku ya m’Chichewa yakuti Yandikirani kwa Yehova na yakuti “Bwera Ukhale Wotsatira Wanga.” Mabuku aŵa akuyavyeni kupitilizhya kupita pasogolo notang’isha ushamwali wanu na Yehova na Mwana wake.

FUFUZANI

Kansi n’cinji cakuyamikila ngako Yehova, kucita cinthu cimozi capadela coonesha kuti nise ozipeleka kuli yove, kapena kunkhala na umoyo wokhulupilika siku iliyonse kwa umoyo wasu wonse?

Nkhalani Okhulupilika Monga Abulahamu (9:20)