Kansi Ufumu wa Mulungu ni Cinji?
Mwa munganene kuti . . .
-
ni mtima wa munthu?
-
ni malizu ophiphilisa?
-
ni boma ya kululu?
ZAYULAŴILA BAIBOLO
“Mulungu wa kululu akankhazikishe ufumu, nipo ufumu wamene uyo ukacenekewe lini.”—Danieli 2:44, Baibulo la dziko latsopano.
“Mwana munalume wapasiwa kuli seo, nipo azepasiwe ulamulilo papewa pake.”—Yesaya 9:6.
KUWAMA KOCETEKELA ZAMENE IZI
-
Mweo pamweka mukapindule na boma yolungama.—Yesaya 48:17, 18.
-
Mukaŵe na thanzi iweme koma soti mukaŵe na umoyo wotemwesha m’calo calomba cikuza.—Chivumbulutso 21:3, 4.
KANSI TINGACETEKELE CENDI ZAYULAŴILA BAIBOLO?
Eee, tingazicetekele pa vikomo viŵili:
-
Yesu eonesha zauti ukacite ufumu wa Mulungu. Yesu esambizhya okonkha ŵake kulomba kuti ufumu wa Mulungu uwele, vakupangwa vicitiwe pano pansi. (Mateyo 6:9, 10) Yesu eonesha mwati izeyankhiwile lombelo yamene iyi.
Peenze pa calo Yesu, elyesha anjala, epozhya olwala nousha akufwa. (Mateyo 15:29-38; Yohane 11:38-44) Pofwana kuti akaŵe wolamulila wa ufumu wa Mulungu kunthangu, Yesu eoneshako viyakine mwa vinthu vauti ukacitile nzika zake.—Chivumbulutso 11:15.
-
Zocitika m’calo zuoneshelatu kuti ufumu wa Mulungu wasala patontho kuwela. Yesu elaŵililatu kuti Ufumu wa Mulungu ukaliyoleta mtendele pa calo, pazaŵe nkhondo, njala na visung’unzhyi.—Mateyo 24:3, 7.
Vinthu vamene ivi tuviona nsiku zino. Tetyo tili na cicetekelo cakuti ufumu wa Mulungu lombapano, uzefumyepo matamano yonse.
LINGILILANI KONSHO IYI
Kansi umoyo ukaŵe tyani Ufumu wa Mulungu ukayotatika kulamulila?
Baibolo yuyankha konsho yamene iyi pa lembo ya SALIMO 37:29 na pa YESAYA 65:21-23.
Ziyakine Zamungakonde
ESSENTIAL BIBLE TEACHINGS
Kansi Ufumu wa Mulungu n’Cinji?
Penzocita ulaliki wake pacalo, Yesu ephunzisa ngako za Ufumu wa Mulungu kupambana nkhani iliyonse. Kwa vyaka vinyinji, okonkha ŵake ankhala opemphela kuti Ufumu wa Mulungu uwele.
ZOKHUZA SEO
Ndaŵa Yanji Mufunika Kuphunzila Baibo?
Baibo yupeleka mayankho ofunika ngako pa umoyo ku ŵanthu mamiliyoni anyinji pacalo. Kansi mungakonde kunkhala m’gulu ya ŵanthu amene aŵa?
