Mulungu opangwa kuti ŵanthu aotemwa na moyo pa calo. Yove epanga calo pamo na vyonse vilimo cikomo ca cinthemwa cake pa ŵanthu. Lombapano, akalete moyo uweme ku ŵanthu wonse. Azefumyepo vyonse vutamanisha ŵanthu.​—Ŵelengani Yeremiya 29:11.

Paliye boma yakwanisha kufumyapo kucitilana viipa na kupayana kwa ŵanthu, matenda, keno imfwa. Koma pali uthenga uweme wakuti, lombapano Mulungu akafumyepo maboma ya ŵanthu noikapo boma yake. Ŵanthu ŵake akaŵe pamtendele na umoyo uweme.​—Ŵelengani Yesaya 25:8; 33:24; Danieli 2:44.

Kutamana kukasile Mulungu akazofumyapo ŵanthu aipa pacalo. (Zefaniya 2:3) Kansi ni lini pati akaŵafumyepo? Malizu ya Mulungu yelaŵililatu za vicito vuceneka minkhalidwe ya ŵanthu lomba. Vinthu vucitika lomba vuwoneshelatu kuti nsita yakuti Mulungu acitepo cimo ili pafupi.​—Ŵelengani 2 Timoteyo 3:1-5.

Tuwamila kusambila za Mulungu m’Malizu ŵake, Baibolo. Ili nga ni kalata yetilembela atata otitemwa. Yutiuzhya mwatingaŵele na umoyo uweme nsiku zino, soti na mwatingazoŵela na moyo wosasila kunthangu pano pa calo. Ni cendi kuti ŵanthu ayambine angatemwe lini kuti ayakine akuyavyeni kuimvwishisha Baibolo. Nangu n’tetyo, muwamila lini kutaya shuko ikuleni teti yakuŵa na moyo uweme kunthangu.​—Ŵelengani Miyambo 29:25; Chivumbulutso 14:6, 7.