Makolo ali na udindo ukulu wophunzisa ŵana ŵao zokhuza Yehova. (Aef. 6:4) Gulu ya Yehova yafalisa zinthu zinyinji monga nkhani, mavidyo na nyimbo pofuna kuyavya makolo. Kansi mungaseŵenzeshe tyani zinthu izi pophunzisa ŵana ŵanu?

• Onani zilipo. Pa JW.ORG pali zofalisa zonse za ŵana, zamene zuyangizhyilapo mavidyo na mapeji yaangalembepo zinthu. a Kuti mupeze izi, lembani mau akuti “Ŵana” olo “Acilumbwana” pa kabokosi kofufuzila.

• Sankhani zaangafunikile mwana wanu. Pansi pa mutu wakuti “Ŵana” pali mavidyo, nyimbo na mapeji yamene yangayavye mwana wanu. Kuti mupeze zinthu izi fufuzani mau akuti “Zochita pa Kulambila kwa Pabanja.”

• Mukopatula nthawi yolaŵizhyana zinthu izi na ŵana ŵanu. Mukopewa kuseŵenzesha mavidyo olo mapeji aŵa pofuna tyala kutangwanisha mwana wanu olo pofuna kuti aleke kukuvutani. M’malo mwake, mukolaŵizhyana na mwana wanu nomuyavya kutang’isha ushamwali wake na Yehova.