Mulungu Osamala za Mweo
Baibo ili na malangizo abwino ngako cifukwa ni Mau a Mulungu. Baibo ni buku lini ya zacipatala koma ili na malangizo amene angatithandize kulimbana na mavuto osiyanasiyana monga kuvutika maganizo, nkhaŵa na cisoni.
Colimbikisha ngako n’cakuti Baibo yutisimikizhyila kuti Nyamalenga wasu Yehova Mulungu, a omvwisha maganizo ŵasu na mwatumvwila kupambana munthu aliyense. Yove ni wofunishisha kutiyavya pa mavuto alionse yatingakumane nayo. Ganizilani malemba aŵili aŵa amene otitonthoza:
“Yehova ali pafupi na ŵanthu ovutika maganizo, ndipo ozimvwila cisoni mu mtima mwao oŵapulumusa.”—MASALIMO 34:18.
“Pakuti neo, Yehova Mulungu wako nakata kwanja yako ya malendi. Neo niye nukuuzhya kuti, ‘Usacite wowa neo nikuyavye.’”—YESAYA 41:13.
Kansi Yehova otiyavya tyani kulimbana na matenda a maganizo? Monga ni mwati tionele mu nkhani zokonkhapo, Yehova oonesha kuti otisamalila m’njila zinyinji.
a Yehova ni zina ya Mulungu—Masalimo 83:18.
