Siku iyakine, kalongosi wa ku New Zealand eonelela vidyo pa jw.org yamene yufotokoza kuti Yehova akumvwa cifundo nocionesha. (Yes. 63:​7-9) Tetyo, eganiza zoseŵenzesha zeciphunzila mwa kusakila mipata yakuti ayavyilemo ŵanthu ayakine. Pavuli pake, eluta ku shopu kuti akagule vinthu ndipo ekumana na munakazi muyakine wamene enzeve ponkhala. Tetyo, ezipeleka kuti amugulile cakulya ndipo evomela. Peciwelako kuyogula vakulya, eseŵenzesha mpata uyu kuti auzhyeko munakazi uyu zokhuza Yehova poseŵenzesha katrakiti kakuti Kansi Matamano Yakasile?

Munakazi uyu eyamba kulila. Yove efotokoza kuti ekulila pa ng’anda ya Mboni koma esiya cendi vyaka vinyinji kuvuli. Pa nthawi iyi, enzopemphela kwa Yehova kuti amuyavye kuwelela kuli yove. Kalongosi epasa munakazi uyu Baibo nopanga makonzedwe yakuti ayambe kuphunzila naye. a

Molingana na Yehova, tingaoneshe cifundo ŵanthu kuyangizhyilapo abanja ŵasu koma soti akwasu na azilongosi mumpingo. Tingaoneshe cifundo mwa kusakila mipata youzhyako ayakine zokhuza Yehova.