Kansi mungakonde kuti phunzilo yanu ya pamweka ikonkhala yopindulisha? Ngati n’tetyo, mfundo izi zokonkhapo zingakuyavyeni kuti mukokwanisha kuika maganizo ŵanu pa zamuphunzila:

• Mukosakila malo abwino. Mukoyesayesa kupeza malo aukhondo koma soti pamene ni pongweleŵela bwino, kuti mukokwanisha kuona bwino-bwino. Mungankhale pa mpando noika zamuŵelenga pa thebo olo mungasakhe malo abwino panja.

• Mukopeza malo kwamene kuliye ŵanthu. Yesu esankha kupemphela “m’mamawa ngako” ku ‘malo kwamene kwenzeve ŵanthu.’ (Mko. 1:35) Ngati n’zosakwanishika kupeza malo kwamene kuliye ŵanthu, mungaziŵishe abanja ŵanu olo ŵamunkhala nao nthawi yati mucite phunzilo ya pamweka noŵasenga kuti asakusokonezeni pamuphunzila.

• Mukopewa zinthu zingakusokonezeni. Ngati museŵenzesha foni olo thabuleti pophunzila, mukoiika pa sailenti olo kuiseting’a m’njila yakuti isakusokonezeni. Kuyangizhyila apo, ngati mwaganizila kucita zinthu ziyakine pamuphunzila, zilembeni kuti musaziluŵe ndipo pitilizhyani kuphunzila. Ngati mwaona kuti n’zovuta kuti muike maganizo ŵanu pa zinthu zamuphunzila, mungapaname kuphunzila noyendakoyendako.