Kansi nthawi ziyakine muvutika kuti mukumbukile zinthu zamwaphunzila? Payakine zoteti zeticitikilapo. Ngati n’tetyo, kansi n’cinji cingatiyavye kuti tikokumbukila? Pavuli pophunzila, mukowelelamo mu mfundo zikulu zamwaphunzila.

Pamuphunzila, nthawi ziyakine mungafunike kupanamako noganizila zamwaphunzila. Izi niye zamene mtumwi Paulo elimbikisha Akhristu ayake, peenzophunzila mfundo zenze m’kalata yake. Yove elaŵila kuti: “Pa zinthu izi zatulaŵila, mfundo ikulu ni yakuti.” (Aheb. 8:1) Mwa njila iyi, eŵayavya kumvwisha zecitanthauza koma soti mwamene zonse zecilaŵila zenzokatizhyilana.

Payakine mungasunge maminesi 10 cakosilizhyila kwa kuphunzila kwanu kuti muganizile mfundo zikulu zamwaphunzila. Ngati mukumbukila lini bwino mfundo zamwaphunzila, mungaone tumitu tutontho-tutontho olo mungaŵelenge ciganizo coyamba ca ndime iliyonse. Kucita izi kungakuyavyeni kuti mukumbukile. Ngati mwaphunzila cinthu ciyakine calomba, yesani kucifotokoza m’mau ŵanu-ŵanu. Pamuwelelamo mu mfundo zikulu, cikonkhala cosavuta kuzikumbukila koma soti muzimvwishe bwino noona mwamungaziseŵenzeshele.