AISIRAELI enzokonda ngako nyimbo. Kanyinji-kanyinji, Baibo yufotokoza za ŵanthu amene enzolizhya vipangizo vosiyanasiyana va nyimbo noimba nyimbo. Mbali ikulu ya Baibo ni yopangiwa na nyimbo. Mwacisanzo, Masalimo, Nyimbo ya Solomo na Maliro zelembewa monga nyimbo. Buku yamene yufotokoza umoyo wa ŵanthu a m’Baibo, yuonesha kuti “Aisiraeli enzoseŵenzesha nyimbo pa vocitika vinyinji mu umoyo wao.”

Nyimbo mu umoyo wa siku na siku. Aisiraeli enzoseŵenzesha zida zoimbila nyimbo noimba nyimbo kuti aoneshe mweenzomvwila. (Yes. 30:29) Anakazi enzoseŵenzesha zida zoimbila, kuimba nyimbo mosangalala na kuvina pa vikondwelelo monga ngati mfumu yalomba yasankhiwa, masoja apambana pa nkhondo koma soti pa vikondwelelo viyakine vokhuza kulambila. (Ower. 11:34; 1 Sam. 18:​6, 7; 1 Maf. 1:​39, 40) Aisiraeli enzoimba soti nyimbo kuti aoneshe cisoni ceenze naco ngati munthu muyakine wamwalila. (2 Mbi. 35:25) Izi zuoneshelatu kuti Aisiraeli enzokonda ngako nyimbo.

Mafumu aciisiraeli enzokonda ngako nyimbo. Mafumu aciisiraeli enzosangalala kumvwishila ku nyimbo. Mwacisanzo, Mfumu Sauli eita Davide ku ng’anda yake yacifumu kuti akomulizhyila zeze. (1 Sam. 16:​18, 23) M’kuluta kwa nthawi, apo n’kuti naye Davide wankhala mfumu, ekonza voimbila, elemba nyimbo zabwino ndipo epanga makonzedwe akuti pa kacisi wa Yehova pankhale osogolela poimba nyimbo. (2 Mbi. 7:6; Amo. 6:5) Naye Mfumu Solomo enze na analume koma soti anakazi oimba nyimbo ku ng’anda yake yacifumu.—Mla. 2:8.

Nyimbo potamanda Yehova. Kupambana zonse, Aisiraeli enzoseŵenzesha nyimbo potamanda Yehova. Analume okwanila 4,000 enzoimba nyimbo pa kacisi mu Yerusalemu. (1 Mbi. 23:5) Ove enzolizhya mitolilo, zeze koma soti zoimbila ziyakine. (2 Mbi. 5:12) Koma analume aŵa niye lini tyala enzolambila Yehova poseŵenzesha nyimbo. Aisiraeli anyinji enzoimba nyimbo poluta ku Yerusalemu kuti akacite vikondwelelo. Nyimbo izi zenzoitiwa kuti Nyimbo Zokwelela Kumzinda. (Sal. 120-134) Ndipo molingana na mabuku Aciyuda, Aisiraeli enzoimba nyimbo ziyakine za Masalimo a pa cikondwelelo ca Pasika.

Nyimbo zikali mbali yofunika ngako kwa atumiki a Mulungu. (Yak. 5:13) Tuimba nyimbo monga mbali ya kulambila kwasu. (Aef. 5:19) Nyimbo izi zuticitisha kuti tinkhale okatizhyana na Akhristu ayasu. (Akol. 3:16) Ndipo zutitang’isha ngati takumana na mavuto. (Mac. 16:25) Kulaŵila cendi, nyimbo ni njila yabwino yatingaoneshelemo kuti tili na cikhulupililo mwa Yehova na kuti tumukonda.