Patuŵelenga Baibo, tingaseŵenzeshe zida zosiyanasiyana zofufuzila kuti tiimvwishe bwino nkhani yatuŵelenga. Koma patucita izi, tufunika lini tyala kukulisha ciziŵiso casu. M’malo mwake, tufunika kuphunzila zinyinji zokhuza minkhalidwe ya Yehova. Izi zingacitishe kuti tikomukonda ngako. Kuti tikwanishe kucita izi, tufunika kuzikonsha kuti, ‘Kansi nkhani iyi ya m’Baibo yuniphunzisa cinji ponena za Yehova?’

Mwacisanzo, mungayese kuphunzila zinyinji zokhuza minkhalidwe yake monga cikondi, nzelu, cilungamo na mphamvu. Koma iyi niye lini tyala minkhalidwe yaali nayo. Ali soti na minkhalidwe iyakine inyinji. Kansi ni kuni kwamungapeze minkhalidwe iyi?

Onani m’ndandanda wa minkhalidwe iyakine yopitilila 50 mu Watch Tower Publications Index, pansi pa mutu wakuti “Jehovah” nowela pa kamutu katontho kakuti “Qualities by Name.” Fufuzani tyala yokhuza nkhani yamuŵelenga. (Ngati muli na Buku Lofufuzila Nkhani la Mboni za Yehova ya m’Cinyanja, lutani pa mutu wakuti “Yehova Mulungu” nowela pa kamutu katontho kakuti “Makhalidwe a Yehova.”)