Akwasu na azilongosi anyinji oseŵenzesha nkhani zupezeka pa peji yoyamba ya webusaiti yasu polalikila. Nkhani izi zuvuta lini kutumizhyilako ayakine kupitila pa zipangizo zalomba ndipo kanyinji-kanyinji zufotokoza mwamene vinthu vucitika m’calo vukwanilishila maulosi a m’Baibo. Mkwasu muyakine elaŵila kuti nkhani za pa peji yoyamba ya webusaiti yasu ni “zofunikila ngako kulingana na mwatucitila ulaliki masiku ŵano.”

Koma nkhani izi zukonda kucinjiwacinjiwa. Lomba kansi mungazipeze tyani ngati zacosewa pa peji yoyamba ya webusaiti yasu?

• Pa peji yoyamba, tinikani linki yakuti “Onani Zinyinji” yamene ili pafupi na palulu pa peji iyi. Linki iyi ikutwaleni pa peji yolemba kuti “Nkhani Zaikiwapo Calombapano pa Peji Yoyamba” ndipo mupeze nkhani zinyinji zamene zenze zeikiwa pa peji yoyamba calombapano.

• Pa jw.org olo pa JW Library^®, lutani polemba kuti “Laibulale” noluta polemba kuti “Nkhani Zosiyanasiyana” noluta soti polemba kuti “Nkhani Ziyakine.” Pa mbali iyi pali nkhani zinyinji zamene zenze zeikiwako pa peji yoyamba.