Molingana na anyinji a seo, payakine namwe muvutika kukumbukila zamwaphunzila. Olo n’tetyo, n’cosavuta kukumbukila zinthu zeenzophunzisa Yesu cifukwa kanyinji-kanyinji, enzoseŵenzesha mafanizo pophunzisa. Mungaganizile mafanizo aya ndipo izi zingakuyavyeni kukumbukila zinthu zeciphunzisa. Molingana na izi, mungakumbukile zamuŵelenga mwa kuona zinthu zamene izo m’maganizo mwanu. Kansi mungacite tyani izi? Mungacite izi mwa kudulowing’a vithunzithunzi pamuphunzila.

Kanyinji-kanyinji, ŵanthu amene odulowing’a vithunzithunzi pophunzila, okwanisha kukumbukila bwino zinthu zaaphunzila. Okwanisha kukumbukila osati tyala mau, koma na mfundo zikulu-zikulu zaaphunzila. Odulowing’a lini vithunzithunzi monga ni akaswili, koma odulowing’a tyala vithunzithunzi vosavuta. Ndipo pali umboni woonesha kuti vithunzithunzi vuyavya ngako akulukazi kukumbukila zaaphunzila.

Pa phunzilo yanu yokonkhapo, payakine mungafune kuyodulowing’a vithunzithunzi va zinthu zati mukaphunzile. Mukadabwe kupaka kwa zinthu zati mukakwanishe kukumbukila.