Ŵelengani Genesis 37:​23-28; 39:​17-23 kuti muphunzile mwamene Yosefe epililila zinthu ziliye cilungamo.

Mukoganizila mosamala zamuŵelenga. Ndaŵa yanji ŵanthu ayakine enzocitila Yosefe zinthu ziliye cilungamo? (Gen. 37:​3-11; 39:​1, 6-10) Kansi Yosefe enzofunika kupilila zinthu ziliye cilungamo kwa nthawi itali tyani? (Gen. 37:2; 41:46) Peenzokumana na zinthu ziliye cilungamo, kansi Yehova emucitila cinji Yosefe, ndipo aliyomucitile cinji?—Gen. 39:​2, 21; w23.01 17 ¶13.

Mukofufuza. Olo kuti mkazi wa Potifara etalizhyila wenye Yosefe, paliye paliponse m’Baibo poonesha kuti Yosefe emuimba mlandu. Kansi Malemba okonkhapo angatiyavye tyani kuganizila cifukwa cake Yosefe esankha kunkhala celele olo cifukwa cake tufunika lini kuyembekezela kumvwa vifukwa vonse? (Miy. 20:2; Yoh. 21:25; Mac. 21:37) Kansi ni minkhalidwe yotyani yamene yeyavya Yosefe kupilila kusoŵa cilungamo?—Mika 7:7; Luka 14:11; Yak. 1:​2, 3.

Zatuphunzilapo. Zikonsheni kuti:

• ‘Kansi ni zinthu ziliye cilungamo zotyani zaningayembekezele kukumana nazo monga wophunzila wa Yesu wacendi?’ (Luka 21:​12, 16, 17; Aheb. 10:​33, 34)

• ‘Kansi ningacitenji pali lomba camene cinganiyavye nikayokumana na zinthu ziliye cilungamo?’ (Sal. 62:​7, 8; 105:​17-19; w19.07 2-7)