Kanyinji-kanyinji ŵanthu oonesha lini ulemu kuli ayakine, ndipo ngati munthu waonesha ulemu ŵanthu omudabwa.

Mwacisanzo, ŵanthu anyinji oganizilana lini ndipo olemekeza lini makolo ŵao, acikulile, apolisi, abwana ŵao na matica. Kuyangizhyila apo, ŵanthu olemba mau onyoza ayao pa malo otandalila a pa intaneti. Ndipo mokatizhyana na nkhani ya m’magazini iyakine yoitiwa kuti Harvard Business Review, “kusoŵa ulemu kukuya kuyangizhyilika.” Magazini iyi yeyangizhyila soti kuti “malipoti okhuza kusaonesha ulemu oyangizhyilika, ndipo anyinji okhuzika na nkhalidwe yamene iyi.”