Ndaŵa Yanji Ŵanthu Aleka Kuziona Moyenela?
CIFUKWA CAKE KUZIONA MOYENELA N’KOFUNIKA
Ŵanthu amene oziona moyenela angapilile mavuto mwacidalilo. Ofooka lini kamangu.
-
Kafukufuku uonesha kuti ŵala amene oziona lini moyenela angayambe kuvutika na nkhaŵa, matenda a maganizo na vuto ya kulya. Ndipo angayambe kumwa walwa mwa ucakolwa na kuseŵenzesha mankhwala osokoneza tomfwe.
-
Ŵanthu amene oziona moyenela opewa kuzilinganizhya na ayakine. Izi zuyavya kuti akokwanisha kukatizhyana na ayakine nonkhala nao pa ushamwali wotang’a. Koma ŵanthu amene oziona lini moyenela, nthawi zinyinji okonda kupeza ayao vifukwa. Kucita izi kungaononge ushamwali.
-
Ŵanthu amene oziona moyenela opitilizhya kunkhala otang’a olo kuti akumana na mavuto. Olola lini zofookesha kuŵakangisha kukwanilisha zolinga zao. Koma ŵala amene oziona lini moyenela oona mavuto yatontho kunkhala yakulu, zamene zingapangishe kuti afooke mosavuta.
ZAMUNGACITE
Sankhani ashamwali amene angakulimbikisheni. Mukokatizhyana na ŵanthu amene ni aulemu, ocita cidwi na mwazilili zinthu mu umoyo wanu na ŵala amene angakulimbikisheni.
Mukoyavya ayakine. Ngati muwamila mtima ŵanthu ayakine noŵacitila zabwino kuyangizhyilapo ŵala amene angakuwezhyeleni lini zabwino za mwaŵacitila, munkhale na cimwemwe cenecene camene cuwela cifukwa conkhala opasa. Ndipo olo kuti ayakine angayamikile lini zamuŵacitila munkhale mphela osangalala.
Mukoyavya ŵana ŵanu kukulisha nkhalidwe yoziona moyenela. Njila imozi yamungacitilemo izi ni mwa kuŵalola kusilizhya mavuto ŵao paŵeka pamlingo waangakwanishe. Izi zingayavye ŵana ŵanu kuziŵa mwaangagonjesele mavuto yaangakumane nayo. Akaphunzila kusilizhya mavuto paŵeka, angayambe kuziona moyenela pali lomba koma soti msogolo.
ZATUCITA
Kupitila m’misonkhano na pulogilamu yophunzisa Baibo, a Mboni za Yehova oyavya ŵanthu kucinja umoyo wao noyamba kuziona moyenela.
MISONKHANO YASU YA WIKI ILIYONSE
Pa misonkhano yasu ya wiki iliyonse, tusangalala kumvwishila ku nkhani zozikiwa m’Baibo zamene zuyangizhyilapo zatingacite kuti tikoziona moyenela. Mufunika lini kulipila kuti mupezeke pa misonkhano yasu ndipo aliyense ni olandiliwa. Mwacisanzo, pa misonkhano yasu mukaphunzile . . .
-
cifukwa cake nimwe ofunika kwa Mulungu
-
mwamungaziŵile colinga ca moyo
-
zamungacite kuti mukokwanisha kunkhala pa ushamwali wotang’a koma soti wonkhalisha na ŵanthu ayakine
Mukapeze soti ashamwali ŵeneŵene “amene okusamalilani”—1 Akorinto 12:25, 26.
Kuti muziŵe zinyinji zokhuza misonkhano yasu, fufuzani pa jw.org noonelela ka vidyo kafupi kakuti Kansi n’Cinji Cucitika ku Ng’anda ya Ufumu?
PHUNZILO YA BAIBO
Tuphunzisa ŵanthu Baibo mahala poseŵenzesha buku ya Sangalalani na Moyo Kosasila! Buku iyi ili na malemba, mfundo zomvwika bwino, makonsho okata mtima, mavidyo olimbikisha na vithunzithunzi vokongola. Phunzilo iyi ya Baibo yuyavya ŵanthu kuyamba kuziona moyenela nocinja umoyo wao.
Kuti muone mwamene kuphunzila Baibo na Mboni za Yehova kungakuyavyileni, fufuzani pa jw.org noonelela kavidyo kafupi kakuti Ndaŵa Yanji Mufunika Kuphunzila Baibo?
Ziyakine Zamungakonde
ZOKHUZA SEO
Sengani Phunzilo ya Baibo
Phunzilani yankho iliyonse yamungankhale nayo ya m’Baibo, olo phunzilani zokhuza Mboni za Yehova.
ZOKHUZA SEO
Tukusengani kupezeka pa misonkhano ya Mboni za Yehova
Pezani malo kwatucitila misonkhano ndipo onani mwatulambilila. Aliyense ni wolandiliwa ndipo kunkhala lini kupitishamo mbale ya zopeleka.
