NKHALANI MENSO!
Akhristu na Nkhondo—Kansi Baibo Yukambapo Kuti Tyani?
Monga ni mwataonela, asogoleli a vipembezo olimbikisha ŵanthu kuti atoleko mbali pa nkhondo yamene yucitika ku Ukraine. Onani mwamene asogoleli aŵa aoneshela kuti ocilikiza nkhondo:
“Ulemu na ciyamikilo zilute kuli masoja onse amene oteteza ŵanthu muno mu Ukraine kuli oukila . . . Ziŵani kuti tukukondani ngako koma soti tukupemphelelani.”—Metropolitan Epiphanius I wa ku Kyiv, molingana na nkhani yefotokozewa mu nyuzipepa yakuti The Jerusalem Post, pa March 16, 2022.
“Mkulu wa cipembezo ca Orthodox ku Russia ecitisha msonkhano na masoja a ku Russia pa Sondo. Colinga ca msonkhano uyu cenze kufuna kulimbikisha masoja kuti ateteze calo cao pamene opitilizhya kuchaya nkhondo ku Ukraine.”—Reuters, April 3, 2022.
Kansi Akhristu ofunika kutolamo mbali mu nkhondo? Kansi Baibo yukambapo kuti tyani?
Zayulaŵila Baibo
Baibo yufotokoza kuti ŵala amene ni ophunzila acendi a Yesu Khristu otolamo lini mbali mu nkhondo.
“Wezhyela cipula cako m’malo mwake, pakuti onse okata cipula akafwe na cipula.”—Mateyu 26:52.
Ngati munthu otolamo mbali mu nkhondo, kansi niye kuti okonkha mau a Yesu?
“Nukupasani lamulo yalomba kuti mukokondana, monga ni mwanukukondelani, namwe mukokondana. Ngati mukondana ŵanthu onse akaziŵe kuti nimwe ophunzila ŵangu.” Yohane 13:34, 35.
Ngati munthu ocilikiza nkhondo, kansi niye kuti oonesha cikondi cecifotokoza Yesu kuti cikoziŵikisha ophunzila ŵake?
Kuti muziŵe zinyinji, ŵelengani nkhani yakuti “Kodi Akhristu Ayenera Kumenya Nawo Nkhondo?”
Akhristu na nkhondo masiku ŵano
Kansi n’cinthu canzelu kuti Akhristu akopewa kutolamo mbali mu nkhondo masiku ŵano? Eee. Baibo yelaŵililatu kuti “m’masiku osilizhya” pakankhale ŵanthu ofumila m’mitundu yonse amene “akaphunzile lini soti nkhondo,” molingana na zeciphunzisa Yesu.—Yesaya 2:2, 4.
Kuti muziŵe zinyinji, ŵelengani nkhani zosiyanasiyana mu Nsanja ya Mlonda za mutu wakuti “Kodi Mulungu Amagwirizana Ndi Zoti Anthu Azimenya Nkhondo?”
Lombapano, Yehova a “Mulungu wamtendele,” akaseŵenzeshe boma yake yakululu kuti apulumuse ŵanthu ku ‘ciwawa na kukandikizhyiwa.’—Afilipi 4:9; Salimo 72:14.
Onelelani vidyo yakuti Kansi Ufumu wa Mulungu ni Cinji?
a Yehova ni zina ya Mulungu.—Salimo 83:18.
Ziyakine Zamungakonde
NKHALANI MENSO!
Cipembezo na Nkhondo ya ku Ukraine—Kansi Baibo Yukamba Kuti Tyani?
Ku mbali zonse za mkangano, asogoleli a vipembezo ocita zinthu mosiyana na zeciphunzisa Yesu okonkha ŵake pa zinthu zakufunika kucita na zasafunika kucita.
ESSENTIAL BIBLE TEACHINGS
Ndaŵa Yanji Mulungu Olola Kuti Ŵanthu Akovutika?
Baibo yupeleka yankho yokhutilisha koma soti yotonthoza.
