Pa Mande, pa February 6, 2023, ku Turkey na ku Syria kwecitika civomezi ca mphamvu.

•   “Civomezi ici ca mphamvu cepaya ŵanthu opitilila pa 3,700 mbali ikulu ya calo ca Turkey koma soti kumpoto ca ku mcingulo kwa Syria. Civomezi ici cecitika pa nthawi yamene panja penze pozizila ngako zamene zeyangizhyila mavuto ku ŵanthu ozicita koma soti amene mang’anda ŵao ewonongeka. Izi zecitisha soti kuti nchito yopulumusa ŵanthu inkhale yovuta.”—Reuters, February 6, 2023.

 Tukhuzika ngako tingaŵelenga nkhani zocitisha cisoni monga izi. Pa nthawi yoteti niye patufunika ngako kudalila Yehova. “Mulungu waneme otitonthoza m’njila iliyonse.” (2 Akorinto 1:3) Yove etipasa ‘Malemba amene otipasa ciyembekezo koma soti otilimbikisha.’—Aroma 15:4.

 Zayuphunzisa Baibo:

•   Zelosewelelatu zokhuza vivomezi.

•   Kwatingapeze citonthozo koma soti ciyembekezo.

•   Mwati akasilizhyile mavuto onse Mulungu.

 Kuti muziŵe zayukamba Baibo pa nkhani izi, ŵelengani nkhani zakuti:

•   “Kansi Baibo yeloselelatu cinji pa nkhani yokhuza vivomezi vamphamvu?”

•   “Kansi ni kuni kwatingapeze ciyembekezo?”

•   “Lombapano Mulungu asilizhye mavuto onse”