Molingana na lipoti ya World Health Organization (WHO), pofwika pa May 23, 2022, ŵanthu okwanila 6.27 miliyoni ecifwa na matenda a COVID-19. Olo n’tetyo, mu lipoti ya pa May 5, 2022, bungwe ya World Health Organization yelaŵila kuti namba ya ŵanthu amene ecifwa na COVID-19, ingankhale ikulu kupambana apa. Yelaŵila soti kuti m’caka ca 2020 na 2021, “ŵanthu amene ecifwa na matenda a COVID-19 olo ŵala amene oganiziliwa kuti ecifwa na matenda aŵa . . . yefwika pafupifupi 14.9 miliyoni.” Kansi Baibo yulaŵilapo ciliconse pa masoka aŵa?

•    Yesu elosela kuti “m’masiku osilizhya” kukankhale milili olo “matenda oyofya.”​—Luka 21:11, Contemporary English Version; 2 Timoteyo 3:1.

 Ulosi wa Yesu ukwanilishiwa masiku ŵano. Kuti muziŵe zinyinji, ŵelengani nkhani yakuti “Kodi Chizindikiro cha ‘Masiku Otsiriza’ Kapena Kuti Nthawi ‘ya Mapeto’ N’chiyani?”

•    “Mulungu wamene otitonthoza m’njila iliyonse . . . otitonthoza m’masauso ŵasu onse.”​—2 Akorinto 1:3, 4.

 Ŵanthu anyinji amene etaikiliwa okondeka ŵao mu imfwa, otonthozewa na uthenga wa m’Baibo. Kuti muziŵe zinyinji ŵelengani nkhani yakuti “Zimene Mungacite Palipano Mukafedwa” na yakuti “Thandizo Lodalilika Kwambili kwa Ofedwa.”

•    “Ufumu wanu uwele. Cifunilo canu cicitike, monga ni kululu, cimozimozi na pacalo.”​—Mateyu 6:10.

 Lombapano, “Ufumu wa Mulungu” ucitepo kanthu ndipo “paliye munthu wati akanene kuti: ‘Nulwala.’” (Maliko 1:14, 15; Yesaya 33:24) Kuti muziŵe zinyinji zokhuza boma yakululu na zati ikacite, onelelani vidyo yakuti Kansi Ufumu wa Mulungu n’Cinji?

 Tukusengani kuti muphunzile zinyinji zokhuza zayulaŵila Baibo, kuti mweo na banja yanu mupindule na malangizo anzelu koma soti malonjezo ŵake ocitisha cidwi.