Baibo yukamba kuti Aramagedo ni nkhondo yati ikacitike pakati pa maboma onse a pacalo na Mulungu, osati tyala mkangano wa pakati pa vyalo viŵili

•   “Mauthenga ouzhyiliwa na viŵanda . . . Oluta ku mafumu a pacalo conse kwamene kuli ŵanthu, kuti aŵasonkhanishe pamozi ku nkhondo ya siku ikulu ya Mulungu wamphamvu zonse. . . . Eŵasonkhanisa pamozi, ku malo amene m’Cihebeli oitiwa kuti Aramagedo.”—Chivumbulutso 16:14, 16.

 Liu yakuti “Aramagedo” yefumila ku liu ya m’Ciheberi yakuti Har Meghid·dohnʹ, kutanthauza kuti “Lupili ya ku Megido.” Megido wenze mzinda wamene wenze m’cigao ca Ufumu wa Israeli. Pa cifukwa ici, ŵanthu ayakine oganiza kuti nkhondo ya Aramagedo ikacitikile ku calo ca Israel. Olo n’tetyo, cigao ca Megido kapena malo onse ali ku Middle East, ni yatontho ngako cakuti mungacitikile lini nkhondo ikulu yamene “mafumu onse a pacalo pamozi na magulu ŵao a nkhondo,” akatoleko mbali.

 Buku ya Chivumbulutso yelembewa mu “zizindikilo,” kapena kuti mu cilaŵilo cophiphilisila. (Chivumbulutso 1:1) Tetyo, liu yakuti Aramagedo yupanamila lini malo ŵeneŵene, koma nthawi pamene vyalo vonse vikagwilizane kuti vilimbane na ulamulilo wa Mulungu.—Chivumbulutso 19:11-16, 19-21.