“Lomba niye nthawi yatufunika kusilizhya mikangano yasu na nkhondo. Ino niye nthawi yatufunika kuukata mtima kuti osati tikoniatana.” Izi niye zecikamba Kalembela Mkulu wa bungwe ya United Nations a António Guterres pa nkhani yokhuza zeyecita Iran kuukila calo ca Israel pa Ciŵelu, pa April 13, 2024.

 Kuniatana kucitika ku Middle East, ni cisanzo ca zucitika pacalo conse.

 “Pali pano, pacalo pocitika zinthu zaciwawa ngako kungoyambila peyecitika nkhondo yaciŵili ya pacalo conse ndipo ŵanthu pafupifupi 2 biliyoni okhuziwa na mkhalidwe uyu waciwawa pacalo conse.”—United Nations Security Council, January 26, 2023.

 Madela amene ni okhuziwa ngako na ciwawa pali pano oyangizhyilapo Israel, Gaza, Syria, Azerbaijan, Ukraine, Sudan, Ethiopia, Niger, Myanmar, na Haiti. a

 Kansi kuniatana Kukasile lini? Kansi olamulila a calo angalete mtendele? Kansi Baibo yulaŵilanji?

 Vinthu vaciwawa vamene vucitika pacalo conse masiku ŵano, vutionesha kuti lombapano nkhondo zisile. Nkhondo zucitika pali pano, zukwanilisha ulosi wokhuza nthawi yatunkhalamo. Baibo yuŵakamba kuti “masilizhyilo a nthawi ino.”—Mateyu 24:3.

•   “Mukamvwe congo ca nkhodo na malipoti a nkhondo. . . . Mtundu ukaukilane na mtundu uyakine ndipo Ufumu ukaukilane na Ufumu uyakine.”—Mateyu 24:6,7.

 Ŵelengani nkhani yakuti “Kodi Chizindikiro cha “Masiku Otsiriza” Kapena Kuti Nthawi “ya Mapeto” N’chiyani?” kuti muone mwane nkhondo zucitika masiku ŵano zukwanilishila maulosi a Baibo.

 Baibo yekambilatu pamene ciwawa cikasile. Kansi izi zikacitike tyani? Osati na cifunilo ca munthu koma kupitila pa nkhondo ya Aramagedo, “nkhondo ya siku ikulu ya Mulungu Wamphamvuyonse.” (Chivumbulutso 16:14, 16) Nkhondo iyi ikasegule njila yakuti Mulungu akwanilishilemo lonjezo yake yakuti ŵanthu akasangalale na mtendele mpaka kale-kale.—Salimo 37:10, 11, 29.

 Kuti muziŵe zinyinji zokhunza mwamene nkhondo ya Mulungu ikasilizhyile nkhondo zonse, ŵelengani nkhani yakuti “Kansi Aramagedo n’Cinji?”