Mu lipoti ya mu June 2022, pulezidenti wa kagulu koyanganila World Bank, elaŵila kuti: “Cuma ca pacalo conse culoŵa soti pansi. Mitengo ya vinthu ikuya yukwela koma ŵanthu opeza lini ndalama zokwanila.”

 Bungwe yamene yuyanganila zacuma pacalo conse (International Monetary Fund) yekamba kuti: “Mitengo ya fyuwelo na vakulya yakwela mofulumila ndipo izi zakhuza ngako vyalo vosauka.”

 Baibo yutiyavya kumvwisha cifukwa cake tukumana na mavuto a zacuma, zatingacite kuti tikwanishe kulimbana nao koma soti yutipasa ciyembekezo cakuti mavuto onse aŵa akasililetu.

•   Baibo yukamba nthawi yatilimo kuti ni “masiku osilizhya.”​—2 Timoteyo 3:1.

•   Yesu elosela kuti kukacitike “vinthu voyofya” kuti vinkhale cizindikilo ca masiku osilizhya. (Luka 21:11) Kukwela mitengo kwa vinthu kucitisha ŵanthu wowa. Ŵanthu onkhala na nkhaŵa poganiza za sogolo yao na kuti kaya ngati akokwanisha kusamalila mabanja ŵao.

•   Buku ya Chivumbulutso yelosela za kukwela mitengo kwa vinthu m’nthawi yasu. Buku iyi yekamba kuti: “Necimvwa mau. . . . Akuti, ‘Kilogilamu imozi ya tiligu mtengo wake wankhala dinali imozi, ndipo makilogilamu atatu a balele mtengo wake wankhala dinali imozi.’”​—Chivumbulutso 6:6.

 Kuti muziŵe zinyinji zokhuza “masiku osilizhya” na ulosi wa m’buku ya Chivumbulutso, onelelani vidyo ya mutu wakuti Vinthu Pacalo Vacinja Ngako Kuyambila mu 1914, koma soti ŵelengani nkhani yakuti “Kodi Amuna Anai Okwela pa Mahosi N’ndani?”

•   “Akamange mang’anda nonkhalamo. Akakomole m’minda na kulya votwala vake. Akamange lini kuti muyakine akankhalemo. Akakomolele lini ŵanthu ayakine kuti akalye.”​—Yesaya 65:21, 22.

•   “Pacalo pakankhale tiligu unyinji; Palulu pa malupili pakankhale tiligu unyinji.”​—Salimo 72:16.

•   “Yehova walaŵila kuti: ‘Cifukwa ca kukandikizhyiwa kwa osauka na kuvutika kwa osauka, nikanyamuke nocitapo kanthu.’”​—Salimo 12:5. a

 Lombapano, Mulungu akasilizhye mavuto yonse ya zacuma osati tyala m’calo cimozi, koma pacalo conse. Kuti muziŵe mwati akacitile izi, ŵelengani nkhani yakuti “Kodi Mayiko Angathe Kuyendetsa Chuma Mokomera Aliyense?”

 Koma olo masiku ŵano, Baibo ingakuyavyeni kulimbana na vuto ya kukwela mitengo kwa vinthu. Yove ili na malangizo oyavya okhuza mwatingaseŵenzeshele ndalama mwanzelu. (Miyambo 23:4, 5; Mlaliki 7:12) Kuti muziŵe zinyinji, ŵelengani nkhani yakuti “Muzisamala Ndalama” na yakuti “Zimene Mungacite Ngati Mukupeza Ndalama Zochepa.”