Mokatizhyana na lipoti ya pa April 4, 22 ya Bungwe Yoona Zanyengo, kalembela wa Bungwe ya United Nations, António Guterres, elaŵila kuti: “Ŵanthu ocita zinthu zinyinji zamene lombapano ziononge nyengo. Mwacisanzo, pankhale kusefukila kwa manzi, kupya kopitilila malile, mphepo yamkuntho, kucepa kwa manzi koma soti kufwa kwa mitundu iyakine ya vomela koma soti vinyama. Iyi ni nkhani lini yawenye. Niye zakukamba asayansi kuti zicitike ngati maboma acinje lini mwakuseŵenzeshela mphamvu ya malaiti.”

 Pa June 15, 2022, nyuzipepa ya The New York Times, pa mutu wakuti “Kusefukila Kwa Manzi ku Yellowstone, Cizindikilo ca Masoka a Msogolo” yelaŵila kuti: “Asayansi ocenjeza kuti lombapano malo osungilamo vinyama vamsanga pafupifupi 423 [a ku United States] aonongewe makamaka cifukwa ca kupya kopitilila malile. Zinthu ziipa zati zicitike zulingana na masoka ofotokozewa m’Baibo monga mulilo, kusefukila kwa manzi, kusungunuka kwa maaisi, kupaka kwa mafunde a pa nyanja na kupya kopitilila malile.”

 Kansi mavuto aya ya zanyengo yakasile? Ngati n’tetyo, kansi ni ŵani wati akayasilizhye? Onani zayulaŵila Baibo.

 Baibo yulaŵila kuti Mulungu akaononge ‘ŵanthu amene oononga calo.’ (Chivumbulutso 11:18) Vesi iyi ya m’Baibo yutiphunzisa mfundo zitatu:

1.  1. Zocita za ŵanthu zikaononge calo.

2.  2. Kuonongewa kwa calo kukasile.

3.  3. Mulungu niye wati akasilizhye vuto ya kuonongewa kwa calo, osati ŵanthu.

 Baibo yulaŵila kuti “calo cinkhalepo mpaka kale-kale.” (Mlaliki 1:4) Ŵanthu apitilizhye kunkhalapo mpaka kale-kale.

•   “Olungama akalandile calo ndipo akankhalemo mpaka kale-kale.”​—Salimo 37:29.

 Calo cikakonzewe soti kuti cikankhale cabwino.

•   “Cipululu na malo yamene yaliye manzi, vikasangalale. Dela yacipululu ikakondwe ndipo ikacite maluŵa nonkhala yokongola monga liluŵa ya safironi.”​—Yesaya 35:1.