Vigaŵenga vucita ciwawa pa mlingo ukulu ngako ku Haiti. Ku South Africa ku Mexico koma soti ku Latin America kucitika za ciwawa zamene zaleta mavuto akulu ngako. Olo kuti zaciwawa zacepekelako m’maiko ayakine, ŵanthu ali na nkhaŵa ndipo ozimvwa kuti ni osateteka akamvwa zamalipoti akuti katundu waiŵiwa, waonongewa olo washokewa.

 Kansi Baibo yukambanji pa kusamvwila malamulo kwamene kucitika pacalo conse?

 Baibo yekambilatu kuti kusamvwila malamulo ikankhale mbali ya cizindikilo ca “masilizhyilo a nthawi ino.” (Mateyu 24:3) Pofotokoza zocitika zamene zili mbali ya cizindikilo ici, Yesu Khristu ekamba kuti:

•   “Cifukwa ca kuyangizhyilika kwa kusamvwila malamulo, cikondi ca ŵanthu anyinji cikacepe.”—Mateyu 24:12.

 Baibo yekambilatu soti kuti “m’masuku osilizhya” ŵanthu akankhale “osazilesha, oyofya, osakonda zabwino.” (2 Timoteyo 3:1-5) Mankhalidwe osazilesha aŵa ndiye ocitisha kusamvwila malamulo kwatuona masiku ŵano.

 Koma tili na vifukwa vonkhalila na ciyembekezo. Baibo yutilonjeza kuti lombapano kusamvwila malamulo kusile.

•   “Kwasala kanthawi katontho; ndipo aipa akankhalepo lini soti. Ukaone penzonkhala, ndipo akapezekepo lini. Koma ŵanthu ofasa akalandile calo, ndipo akasangale na mtendele unyinji.”—Salimo 37:10, 11.

 Phunzilani zinyinji ponena za uthenga wa Baibo wa ciyembekezo koma soti cifukwa cake tingankhale osimikizhya kuti zinthu zucitika masiku ŵano zukwanilisha maulosi a Baibo. Ŵelengani nkhani zokonkhapo kuti muziŵe zinyinji.

 “Tiziyembekezera Kuti Zinthu Zidzakhala Bwino M’tsogolo ”

 “Kodi Chizindikiro cha “Masiku Otsiriza” Kapena Kuti Nthawi “ya Mapeto” N’chiyani’?”

 “Kodi Baibulo Linaneneratu za Mmene Anthu Adzidzaganizira ndi Kuchitira Zinthu Masiku Ano?”