Ŵanthu anyinji pacalo ozimvwa kuti ali ŵeka-ŵeka koma soti kuti angapeze lini ayao apamtima. Akaswili azaumoyo okhulupilila kuti kuyavya ayakine kutiyavya kucepesha vuto yozimvwa kuti tili seka-seka.

•   “Kuyavya ayakine amene ofunikila thandizo kungacitishe kuti tinkhale na moyo watanthauzo koma soti kuti tikoyavya ayakine kulimbana na maganizo oziona kuti ali ŵeka.”—U.S. National Institutes of Health.

 M’Baibo muli malangizo ofunika ngako a mwatingayavyile ŵanthu amene ali na vuto yozimwva kuti ali ŵeka. Kuseŵenzesha zayukamba kungatiyavye kugonjesa vuto iyi.

 Mukonkhala a wanzi. Mukopeza mipata yotandala na ayakine, maka-maka mwacindunji. Mukonkhala okonzeka kuyaŵana na ayakine zamuli nazo. Ngati mucita izi, akozimvwa kuti ni okondewa ndipo zipangishe kuti munkhale paushamwali na ove.

•   Nfundo ya Baibo: “Nkhalani opasa ndipo namwe ŵanthu akokupasani.”—Luka 6:38.

 Mukonkhala okonzeka kuyavya ayakine. Mukopeza njila zoyavyilamo ayakine amene okumana na mavuto. Izi zuyangizhyilapo kuŵamvwishila mosamala kapena kuŵayavya kukata nchito zamane zingacepesheko mavuto ŵao

•   Nfundo ya Baibo: “Muyako wenewene okuyavya nthawi zonse ukankhala pa mavuto”—Miyambo 17:17, Contemporary English Version.

 Kuti muziŵe zinyinji zokhuza mwamungatang’ishile ushamwali na ayakine, ŵelengani nkhani yakuti “Umoyo wa Banja Komanso Mabwenzi.”