“Matenda a maganizo pakati pa acilumbwana ni vuto yofunika kuisilizhya kamangu, cifukwa tapeza kuti yowela kamba koseŵenzesha malo otandalila apa intaneti.”—Ekamba tetyo Dokotala mkulu ku America wazina yakuti Dr. Vivek Murthy, U.S. mu nyuzipepa yakuti, New York Times, June 17, 2024.

 Kansi makolo angateteze tyani ŵana wao kumavuto owela cifukwa coseŵenzesha malo otandalila apa intaneti? Baibo yupeleka malangizo oyavya pa nkhani iyi.

 Ganizilani nfundo izi za m’Baibo.

 “Koma wocenjela oganizila zokonkhapo za zinthu zakufuna kucita.”—Miyambo 14:15.

 Olo kuti malo otandalila apa intaneti angacitishe mwana ŵanu kunkhala na mankhalidwe aipa, mufunika lini kulola mwana wanu kuseŵezesha intaneti. Mukaliye lola mwana wanu kuyamba kuseŵenzesha malo otandalila apa intaneti, mufunika kunkhala osimikizhya kuti akokwanisha kukonkha nthawi yemwemuikila yoseŵenzesha intaneti, kupitilizhaya kunkhala pa ushamwali na ŵanthu a m’banja mwake na kukwanisha kupewa kutamba vinthu viipa payeka.

•   Kuti muziŵe zinyinji, ŵelengani nkhani yakuti “Kodi Mwana Wanga Azigwiritsa Ntchito Intaneti?” na “Kuphunzitsa Mwana Wanu Wachinyamata Kukhala Wosamala Pogwiritsa Ntchito Intaneti.”

 “[Mukokatisha] nchito bwino nthawi yanu.”—Aefeso 5:16.

 Ngati mwalola kuti mwana ŵanu akoseŵenzesha intaneti, mufunika kumuikila malamulo a mwangaseŵenzeshele intaneti noŵafotokozela mwamene malamulo aŵa angaŵatetezele ku vinthu viipa. Mukonkhala nchelu kuoona ngati mwana ŵanu wacinja minkhalidwe yake cifukwa coseŵenzesha intaneti nakuti mumucinjile nthawi yoyiseŵenzesha.

•   Seŵenzeshani ka vidyo katukadoli ka mutu wakuti Muzichita Zinthu Mosamala Mukamacheza ndi Anzanu pa Intaneti poyavya mwana ŵanu kuziŵa kufunika kwa malamulo poseŵenzesha malo otandalila apa intanenti.

 Baibo yukamba kuti tuknkhala “m’nthawi yapadela koma soti yovuta.” (2 Timoteyo 3:1-5) Pa nthawi imozimozi, yutipasa soti malangizo ameneme angatiyavye kupilila. Mndandanda wa nkhani za m’Baibo pafupifupi 20 zoyavya makolo na ŵana ŵao zupezeka soti m’nkhani iyi yokamba za matenda a maganizo a acilumbwana.