Calombapano olamulila calo, asayansi na akaswili a zopangapanga akambapo za mashini oseŵenza monga ni munthu (AI). Ove evolemelezhya kuti mashini iyi ili na ubwino wake, koma ocita soti nkhaŵa poganiza kuti ingoseŵenzeshewa m’njila yolakwika.

•   “Mashini ya AI ni imozi mwa mashini yamphamvu ngako yamene yaliko masiku ŵano, ingayavye ŵanthu kunkhala na umoyo wabwino . . . koma panthawi imozimozi ingacitishe kuti tinkhale osatetezeka, tingankhale tiliye ufulu nakuti zinthu zasu zacinsinsi zingankhale soti zosatetezeka. Kuyangizhyila apo tingankhale soti tiliye cidalilo pa nkhani yokhuza mwayucitila zinthu boma.”—Kamala Harris, vice president of the United States, May 4, 2023.

•   “Olo kuti mashini ya AI yuonesha kuti ingayavye ŵanthu pa nkhani ya umoyo, ingaononge soti thanzi yasu mwamuŵili na mwa maganizo m’njila ziyakine.” Izi niye zeilemba gulu ya madokota na akaswili a zaumoyo mosogolelewa na Dr. Frederik Federspiel, m’nkhani yofalisiwa pa May 9, 2023, mu BMJ Global Health. a

•   “Ŵanthu angaseŵenzeshe mashini ya AI pofalisa nkhani zawenye. Lomba pano ingacitishe kuti ŵanthu ataye mwai wa nchito. Akaswili a zopangapanga ocita nkhaŵa kuti msogolo mashini iyi ingaononge umoyo wa ŵanthu.”—The New York Times, May 1, 2023.

 Mkuluta kwa nthawi niye pazingaziŵike bwino ngati mashini iyi ŵanthu akoiseŵenzesha pa zinthu zabwino olo ziipa. Kansi Baibo yukambapo kuti tyani?

 Baibo yuonesha cifukwa cake ŵanthu angapange lini zinthu zamene zingaseŵenzeshewe tyala pa zinthu zabwino.

1.  1. Olo kuti ŵanthu angankhale na zolinga zabwino, angaziŵiletu lini ziipa zingafumepo cifukwa ca zocita zao.

   •   Pali njila yooneka yoongoka m’menso mwa munthu koma masilizhyilo yake ni imfwa.”—Miyambo 14:12.

2.  2. Munthu oziŵa lini mwaangaseŵenzeshele nchito yake ŵanthu ayakine olo mwaangaionongele.

   •   “Nikaisile munthu [nchito yangu] wati akawele pavuli pangu. Ndipo niŵani oziŵa kaya akankhale wanzelu kapena opusa? Koma akatole zinthu zangu zonse zenepeza movutikila koma soti zenecita mwanzelu pacalo.”—Mlaliki 2:18, 19.

 Izi zuonesha bwino cifukwa cake tufunika kusogolelewa na Nyamalenga wasu.

 Nyamalenga wasu watilonjeza kuti akalole lini ŵanthu kapena mashini yakupanga ŵanthu kuonongelatu mtundu wonse wa ŵanthu pacalo.

•   “Calo cinkhalepo mpaka kalekale.”—Mlaliki 1:4.

•   “Olungama akalandile calo ndipo akankhalemo mpaka kalekale.”—Salimo 37:29.

 Kupitila m’Baibo Nyamalenga wasu otipasa malangizo yamene akatiyavye kunkhala na mtendele na otetezeka msogolo. Kuti muziŵe zinyinji zayuphunzisa Baibo, ŵelengeni nkhani zakuti “N’ciani Cingatithandize Kukhala na Tsogolo Labwino?” na “Tiziyembekezera Kuti Zinthu Zidzakhala Bwino M’tsogolo.”