KAMPENI YA PADELA
Kansi Ufumu wa Mulungu Ukasilizhye Tyani Mavuto a Zacuma?
Pacalo conse, ŵanthu anyinji ovutika kupeza ndalama cifukwa zinthu zupitilizhya kuipilaipila.
Kafukufuku wecitika calombapano pacalo conse, a uonesha kuti ŵanthu opeza ndalama zitontho ngako pa kusila kwa mwezi ulionse. Ŵanthu anyinji okamba kuti, ngati maboma angaleke kucitapo kanthu mwamsanga, “ŵanthu koma soti mabanja anyinji ankhale mu umphawi.”
Kansi maboma angakwanishe kusilizhya mavuto onse a zacuma?
Baibo yufotokoza kuti pali boma yati ikakwanishe kusilizhya mavuto onse a zacuma. Yulaŵila kuti “Mulungu wakululu akankhazikishe ufumu,” kapena kuti boma yati ikasilizhye mavuto onse a zacuma. (Danieli 2:44) Boma iyi ikayoyamba kulamulila, paliye nzika iliyonse yati ikolyelewa masuku pamutu olo kukondela munthu aliyense. (Salimo 9:18) Ufumu wa Mulungu ukaonesheshe kuti nzika zake zonse zili na zinthu zofunikila pa umoyo kuti ikonkhala mwacimwemwe. Munthu aliyense akopeza pindu pa nchito iliyonse yati akocita.—Yesaya 65:21, 22.
a International Labour Organization Global Wage Report 2022-23
Ziyakine Zamungakonde
ESSENTIAL BIBLE TEACHINGS
Kansi Ufumu wa Mulungu n’Cinji?
Penzocita ulaliki wake pacalo, Yesu ephunzisa ngako za Ufumu wa Mulungu kupambana nkhani iliyonse. Kwa vyaka vinyinji, okonkha ŵake ankhala opemphela kuti Ufumu wa Mulungu uwele.
ZOKHUZA SEO
Sengani Phunzilo ya Baibo
Phunzilani yankho iliyonse yamungankhale nayo ya m’Baibo, olo phunzilani zokhuza Mboni za Yehova.
