•   “Pafupifupi hafu ya ciŵelengelo ca ŵanthu ku Amerika ozimvwa kuti ali ŵeka-ŵeka, ndipo anyinji amene ozimvwa teti ni acilumbwana.”—Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.

•   “Bugwe ya World Health Organization [WHO] yasankha kagulu ka ŵanthu amene nchito yao inkhale kucita kafukufuku yoona mwangasilizhyile vuto yoziona kuti uli wekaweka, kulimbikisha ŵanthu kuti osati akozisalula nopeza njila mwangasilizhyile vuto yoziona kuti uli weka m’calo ciliconse mosasamala kanthu kuti n’colemela olo n’cosauka.”—World Health Organization, November 15, 2023.

 Baibo yupeleka malangizo othandiza amene angatiyavye kuti tikonkhala pa ushamwali na ŵanthu ayakine zamene zingacitishe kuti osati tikoziona kuti tili seka-seka.

 Mukopewa kucita zinthu zamene zupangisha kuti mukozisalula kuli ayakine. Zinthu izi zuyangizhyilapo kunkhala nthawi itali pa malo otandalila a pa intaneti. M’malo mwake, mukopeza mipata yotandala na ŵanthu ayakine mwacindunji nopanga ashamwali ŵeneŵene.

•   Mfundo ya m’Baibo: “Shamwali wenewene okuonesha cikondi nthawi zonse. Ndipo ni mkwako wamene evyalika kuti akuthandize ukakumana na mavuto.”—Miyambo 17:17.

 Mukopeza mipata yamungayavyilemo aykine. Ngati tucita zinthu zabwino kuli ayakine, zucitisha kuti ushamwali wasu na ove utang’e ndipo izi zutipangisha kunkhala acimwemwe.

•   Mfundo ya m’Baibo: “Kupasa kutipangisha kunkhala osangalala ngako kupambana kulandila.”—Machitidwe 20:35.

 Onani nkhani ziyakine pa webusaiti yasu zamene zingakuyavyeni kupeza mfundo za m’Baibo zamene zufotokoza zamungacite kuti mukonkhala pa ushamwali na ŵanthu ayakine.