NKHALANI MENSO!
Kansi Mungakhulupilile Ŵani?—Kansi Baibo Yulaŵilanji?
Ŵanthu anyinji ni okhumudwa cifukwa ŵanthu ŵakukhulupilila ni osakhulupilika. Anyinji aleka kukhulupilila ŵanthu monga . . .
asogoleli andale amene oika zofuna zao pasogolo m’malo mwa zofuna za ŵanthu wakupanimila.
machanelo amene okangiwa kufalisa nkhani mokhulupilika koma soti molondola.
asayansi amene ocita lini zinthu zakufuna ŵanthu.
asogoleli avipembezo amene oloŵelela m’ndale m’malo mocilikiza Ufumu wa Mulungu.
Ŵanthu ali na nkhaŵa yokhuza wakufunika kukhulupilila. Baibo yucenjeza kuti:
“Osati mukokhulupilila ŵanthu olemekezeka; kuliye munthu angakupulumuseni.”—Salimo 146:3.
Munthu wamungakhulupilile
Baibo yufotokoza za munthu wamungakhulupilile kuti ni : Yesu Khristu. Yove enze lini tyala munthu wamene enkhalako vyaka vinyinji vapita. Mulungu esankha Yesu kuti “akalamulile monga Mfumu . . . , ndipo Ufumu wake ukankhalepo mpaka kale-kale.” (Luka 1:32, 33) Yesu ni Mfumu ya Ufumu wa Mulungu, wamene ni boma yulamulila kululu.—Mateyu 6:10.
Kuti muziŵe cifukwa cake mufunika kukhulupilila Yesu, ŵelengani nkhani ya m’Cinyanja yakuti “Kodi Mfumu ya Ufumu wa Mulungu Ndani?” na ya m’Chichewa yakuti “Kodi Ufumu wa Mulungu Udzachita Chiyani?”
Ziyakine Zamungakonde
ESSENTIAL BIBLE TEACHINGS
Kansi Ufumu wa Mulungu n’Cinji?
Penzocita ulaliki wake pacalo, Yesu ephunzisa ngako za Ufumu wa Mulungu kupambana nkhani iliyonse. Kwa vyaka vinyinji, okonkha ŵake ankhala opemphela kuti Ufumu wa Mulungu uwele.
ESSENTIAL BIBLE TEACHINGS
Kansi Tingasimikizhyile Tyani Kuti Baibo Yukamba Zacendi?
Ngati Baibo yeuzhyiliwa na Mulungu, yufunika kunkhala yapadela ngako kupambana buku iliyonse.
