Nkhondo yamene yucitika ku Ukraine, koma soti kucinja kwa nyengo, zacitisha kuti pacalo conse pankhale vuto ya kucepekela kwa vakulya. Vuto iyi yakhuza ngako vyalo votukuka mwamene cunkhala covuta kuti ŵanthu apeze vakulya.

•   “Nkhondo, kucinja kwa nyengo, kukwela kwa mtengo wa mafuta na mavuto ayakine, zacitisha kuti cinkhale covuta kulima olo kugula vakulya.”—António Guterres, UN secretary-general, July 17, 2023.

•   “Akaswili anyinji okamba kuti kufumamo kwa calo ca Russia mu mgwilizano wakuti vyalo vikogula olo kugulisa vincheŵele pa mtengo utontho, zicitishe kuti mtengo va vakulya ukwele ngako m’vyalo va kumpoto kwa Africa na vyalo va pakati va ku Asia.”—Atalayar.com, July 23, 2023.

 Onani zayukamba Baibo pa nkhani ya kucepekela kwa vakulya na zati zikacitike m’sogolo.

•   Yesu elosela kuti: “Mtungu ukaukilane na mtundu uyakine, ndipo ufumu ukaukilane na ufumu uyake. Kukankhale njala m’malo osiyanasiyana.”—Mateyu 24:7.

•   Buku ya Chivumbulutso yukamba za analume 4 amene enze ekwela pa mahosi. M’mozi wa analume aŵa opanamila nkhondo. Pavuli pa munalume uyu penzowela muyakine wamene opanamila njala kapena kuti nthawi pamene vakulya vikonkhala vovuta kupeza ndipo vikogulisiwa pa mtengo wapalulu.“Neona hosi ifipa. Wokwelapo wake enze na sikelo m’manja mwake. Pavuli pake necimvwa mau . . . Akuti, ‘Kilogilamu imozi ya tiligu, mtengo wake unkhale dinali imozi! Ndipo ma kilogilamu atatu a balele, mtengo wake unkhale dinali imozi.’”—Chivumbulutso 6:5, 6.

 Maulosi aya ya m’Baibo yokwanilishiwa m’nthawi yasu ino yamene Baibo yuiita kuti “masiku osilizhya.” (2 Timoteyo 3:1) Kuti muphunzile zinyinji ponena za “masiku osilizhya ” koma soti za analume 4 okwela pa mahosi olaŵiliwa m’buku ya Chivumbulutso, onelelani vidyo ya mutu wakuti Vinthu Pacalo Vacinja Ngako Kuyambila mu 1914 noŵelenga nkhani yakuti “Kodi Amuna Anayi Okwela pa Mahosi n’Ndani?”

•   M’Baibo muli malangizo othandiza amene angakuyavyeni kulimbana na mavuto monga kucepekela na kukwela mtengo kwa vakulya. Onani visanzo viyakine mu nkhani yakuti “Zimene Mungachite Ngati Mukupeza Ndalama Zochepa .”

•   Baibo yutipasa soti ciyembekezo cakuti vinthu vinkhale bwino. Yutilonjeza soti kuti ikuza nthawi pamene “pacalo conse pakankhale tiligu unyinji ngako” ndipo ŵanthu onse akankhale na vakulya va mwana alilenji. (Salimo 72:16) Kuti muziŵe zinyinji zokhuza lonjezo ya Yehova yokhuza zati zicitike m’sogolo na cifukwa cake mungaikhulupilile, ŵelengani nkhani yakuti “Tiziyembekezera Kuti Zinthu Zidzakhala Bwino M’tsogolo.”