Sean Gladwell/Moment via Getty Images
NKHALANI MENSO!
Maboma Pacalo Conse Eononga Ndalama Zopitilila pa $2 Trillion—Kansi Baibo Yukambapo Kuti Tyani?
M’caka ca 2022 maboma pacalo conse eononga ndalama zopitilila pa 2.24 trillion dollars, pocilikiza masoja ŵao. Izi zili teti cifukwa cakuti Russia eukila Ukraine. Molingana na lipoti yefumyiwa mu April 2023 na Stockholm International Peace Research Institute (SIPRI), kuyambila mu 2022:
Maboma a ku Europe aononga ndalama zapitilila pa 13 peresenti pa nkhondo, polinganizhya na zeciononga peyesila nkhondo mu 1991
“Ndalama zawaononga Russia zayangizhyilika na 9.2 peresenti, zamene zacitisha kuti acoke pa namba 5 nowela pa namba 3 pa vyalo vuononga ndalama pa nkhondo pacalo conse.
Calo ca United States capitilizhya kunkhala pasogolo pa nkhani yoononga ndalama pa nkhondo, cifukwa oononga ndalama zopitilila pa 39 peresenti kupambana vyalo vonse pacalo.
“Kuyangizhyilika kwa ndalama zaonongewa m’vyaka valombano pa nkhondo, ni cizindikilo cakuti tunkhala m’calo camene ni cosatetezeka.” Molingana na lipoti ya Dr. Nan Tian coauthor of the SIPRI.
Baibo yekambilatu kuti maulamulilo a mphamvu akokangana ngako ndipo yutiuzhya soti mwati ukawelele mtendele wenewene.
Baibo Yekambilatu Zakuyangizhyilika Kwa Mikangano pa Nkhondo
Baibo yukamba kuti tunkhala “m’masiku osilizhya.”—Danieli 8:19.
Buku ya Danieli yekambilatu kuti pa nthawi yamene iyo maulamulilo a mphamvu pacalo conse akokangana. Maulamulilo aŵa amphamvu akokankhana pofuna kulamulila. Pocita zamene izi akoononga katundu na Cuma.—Danieli 11:40, 42, 43.
Kuti muziŵe zinyinji zokhuza ulosi uyu wocitisha cidwi wa m’Baibo, onelelani vidyo ya mutu wakuti Kukwanilishiwa kwa Ulosi wa pa—Danieli Capita 11.
Mwati Ukawelele Mtendele Wenewene
Baibo yukamba kuti Mulungu akacosepo maboma a ŵanthu. Yove “akankhazikishe ufumu wamene ukaonongewe lini ku nthawi zonse. Ufumu uyu ukapelekewe lini ku mtundu ulionse wa ŵanthu, koma ukaphwanye noononga maufumu ayakine onse, ndipo ukakhalepo mpaka kalekale.”—Danieli 2:44.
Lombapano Yehova aMulungu acite zinthu zaakangiwa kucita ŵanthu—zamene ni kuleta mtendele wenewene. Motyani? Ufumu wake wa kululu ukaononge zida za nkhondo nosilizhya ciwawa.—Salimo 46:8, 9.
Kuti muziŵe zinyinji zati ukacite Ufumu wa Mulungu, ŵelengani nkhani yakuti “Mu Ufumu wa Mulungu, pa Dziko ‘Padzakhala Mtendele Woculuka.’”
a Yehova niye zina ya Mulungu.—Salimo 83:18.
Ziyakine Zamungakonde
ESSENTIAL BIBLE TEACHINGS
Kansi Ufumu wa Mulungu n’Cinji?
Penzocita ulaliki wake pacalo, Yesu ephunzisa ngako za Ufumu wa Mulungu kupambana nkhani iliyonse. Kwa vyaka vinyinji, okonkha ŵake ankhala opemphela kuti Ufumu wa Mulungu uwele.
ZIPHUNZISO ZOFUNIKA NGAKO ZA M’BAIBO
Ufumu wa Mulungu Weyamba Kulamulila mu 1914
Vyaka pafupifupi 2,600 vapita, Mulungu ecitisha mfumu iyakine kuona mesomphenya ya ulosi wamene ukwanilishika masiku ŵano.
