Pa October 9, 2024, bungwe ya World Wildlife Fund yefumya lipoti yocitisha cidwi yonena za zinthu zati zifumepo cifukwa ca zocita za ŵanthu pa kusasamalila nyama zamsanga. Lipoti iyi yekamba kuti: “Pa vyaka 50 vapita (1970-2020), ciŵelengelo ca nyama zamsanga zamene zuyanganiliwa na boma, cacepa na 73 pelesenti.”Lipoti iyi yecenjezhya kuti: “Ni nthabwala lini kunena kuti vinthu vati vicitike vyaka 5 vikuza kusogolo uku vizakhuze umoyo pacalo.”

 Mwacibadwa, ŵanthu anyinji odabwa akamvwa malipoti oteti. Tuikonda ngako pulaneti yasu yokongola ndipo tukumvwa lini bwino kuona kuti nyama zamsanga zuvutika. Tikumvwa teti cifukwa colinga ca Mulungu cenze cakuti tikozisamalila.—Genesis 1:27, 28; Miyambo 12:10.

 Mwina mungazikonshe kuti, ‘Kansi tikwanishe kuteteza nyama zakusanga? Kansi Baibo Yulaŵilanji?’

 Mosasamala kanthu za kuyesayesa kwasu, sogolo ya nyama zakusanga ili lini m’manja mwasu koma mwa Mulungu wamene ndiye ezipanga. Pa Chibvumbulutso 11:18 Baibo yelosela kuti “Mulungu akaononge onse amene oononga calo.” Vesi iyi yutionesha mfundo ziŵili:

1.  1. Mulungu aleshe ŵanthu kuonongelatu calo.

2.  2. Mulungu acitepo kanthu lombapano. Kansi tuziŵa tyani? M’mbili yonse ya ŵanthu, kuononga nyama zamsanga kwenzocitika lini ngako monga ni mwazucitikila masiku ŵano

 Kansi Mulungu akacite cinji kuti asilizhye vuto iyi? Akaseŵenzeshe boma yake yakululu, kapena kuti Ufumu wake, kulamulila calo conse. (Mateyu 6:10) Boma iyi, ikayavye ŵanthu kuphunzila noona ubwino na kufunika koteteza nosamalila nyama zamsanga.—Yesaya 11:9.