Pa Cisanu, February 24, 2023, nkhondo ya ku Ukraine yekwanisha caka cimozi kufumila peyeyamba. Molingana na malipoti ayakine, masoja a ku Ukraine na Russia pafupifupi 300,000 epaiwa olo kucitiwa ndipo ŵanthu wamba pafupifupi 30,000 oganiziliwa kuti ecifwa pa nkhondo iyi. Olo n’tetyo, ciŵelengelo cingankhale cikulu kupambana apa.

 Comvwisha cisoni n’cakuti nkhondo iyi yuonesha lini kuti ingasile lombapano.

•   “Kufumila pamene masoja a ku Russia eloŵa mu Ukraine, paliye ciliconse cuonesha kuti nkhondo iyi isile lombapano. Ndipo paliye cizindikilo ciliconse coonesha kuti calo cimozi pa vyalo ivi cipambane olo kukatizhyana kuti amange mfundo imozi.”​—NPR (National Public Radio), February 19, 2023.

 Ŵanthu anyinji osalakwa pacalo conse, okumana na mavuto osiyanasiyana amene owela cifukwa ca nkhondo iyi na nkhondo ziyakine. Kansi Baibo yutipasa ciyembekezo cotyani? Kansi nkhondo ikasile?

 Baibo yulaŵila za nkhondo yati ikapulumuse mtundu wa ŵanthu. Nkhondo iyi yuitiwa kuti Aramagedo. Ndipo yufotokozewa kuti ni “nkhondo ya siku ikulu ya Mulungu Wamphamvuzonse.” (Chivumbulutso 16:14, 16) Mulungu akaseŵenzeshe nkhondo iyi poononga maboma onse amene acitisha kuti pacalo pacitike nkhondo zinyinji. Kuti muziŵe mwamene nkhondo ya Aramagedo ikacitishile kuti pacalo pankhale mtendele wosasila, ŵelengani nkhani izi:

•   “Kansi Aramagedo n’Cinji?”

•   “Aramagedo ni Nkhani Yokondwelesa!”