Kafukufuku wecitika calombapano m’vyalo vosiyanasiyana pacalo conse, a weonesha kuti munthu umozi pa ŵanthu 4 alionse ozimvwa kuti ali yeka-yeka.

•   “Munthu aliyense, kulikonse koma soti wa msinkhu uliwonse, ofuna kunkhala pa ushamwali na ŵanthu ayakine.”—Chido Mpemba, cochair of the World Health Organization’s Commission on Social Connection.

 Mosiyana na mwakuganizila ŵanthu ayakine, vuto yozimvwa kuti uli weka-weka yukhuza lini tyala akulukazi olo ŵanthu amene onkhala kwaŵeka. Vuto iyi yukhuza soti acilumbwana, ŵala amene ali na thanzi yabwino, olemela koma soti ŵala amene ali pa banja. Kusankhala na ashamwali koma soti kuzimwa kuti uli weka-weka kungakhuze thanzi ya munthu ndipo kungapangishe kuti ankhale na vuto ya maganizo.

•   “Kuzimvwa kuti uli weka-weka kucitisha lini tyala munthu kumvwa caipa. Mavuto yowela cifukwa cozimvwa kuti uli weka-weka ni yakulu ngako kulingana na mavuto yowela ngati munthu opepa ndudu 15 siku iliyonse.”—Dr. Vivek Murthy, U.S. surgeon general.

 Nyamalenga wasu ofuna lini kuti tikozimvwa kuti tili sekaseka. Kuyambila kale, colinga ca Mulungu ni cakuti ŵanthu akonkhala pa ushamwali koma soti akogwilizana.

•   Mfundo ya m’Baibo: “Pavuli pake Mulungu ekamba kuti: ‘Ni ciweme lini kuti munthu akonkhala yeka.’”—Genesis 2:18.

 Mulungu ofuna kuti tinkhale naye pa ushamwali. Otilonjeza kuti ngati tingapange kuyesayesa kuti tivwendele pafupi na yove, naye avwendele pafupi na seo.—Yakobo 4:8.

•   Mfundo ya m’Baibo: “Osangalala ni ŵanthu amene ozindikila zosoŵa zao zauzimu cifukwa Ufumu wakululu ni wao.”—Mateyu 5:3.

 Mulungu ofuna kuti tikomulambila pamozi na ŵanthu ayakine. Kucita izi kutipangisha kunkhala acimwemwe.

•   Mfundo ya m’Baibo: “Tiyeni tiganizilane kuti tilimbikishane pa nkhani yooneshana cikondi na kucita zabwino. Tisaleke kusonkhana pamozi, . . . koma tiyeni tilimbikishane.”—Aheberi 10:24, 25.

 Kuti muziŵe zinyinji zokhuza cifukwa cake tufunika kupewa kunkhala seka-seka, ŵelengani nkhani ya m’Chichewa yakuti “Anthu Ambiri Amasungulumwa Ngakhale Kuti Pali Njira Zambiri Zolankhulirana.”