KAMPENI YOITILA ŴANTHU KU CIKUMBUSO
Yesu Akasilizhye Ciwawa
Yesu oziŵa mwacumvwikila ngati munthu ovutishiwa na zaciwawa olo kusoŵa cilungamo. Yove eimbiwa milandu yawenye, kuniatiwa, kucitiliwa zinthu ziliye cilungamo, kucitiliwa cinyengo nopaiwa mwankhanza. Olo kuti enze wosalakwa, enze wofunishisha kupeleka “moyo wake monga dipo kuti awombole ŵanthu anyinji.” (Mateyu 20:28; Yohane 15:13) Lomba, monga Mfumu ya Ufumu wa Mulungu, yove akacitishe kuti pacalo conse pakankhale cilungamo ndipo ciwawa cikasile.—Yesaya 42:3.
Baibo yufotokoza mwati cikankhalile calo Yesu akayoyamba kulamulila:
“Aipa akankhaleko lini; ukaloleshe peenzonkhala, ndipo akapezekepo lini. Koma ŵanthu ofasa akalandile calo, ndipo akasangalale na mtendele unyinji.”—Salimo 37:10, 11.
Kansi tingaoneshe tyani ciyamikilo casu pa zeciticitila Yesu na zati aticitile lombapano msogolo? Pa Luka 22:19, tupezapo lamulo yamene Yesu euzhya ophunzila ŵake kuti akokumbukila imfwa yake. Ndiye cifukwa cake, pomvwila lamulo iyi Mboni za Yehova zusonkhana pamozi caka ciliconse kuti zikumbukile imfwa yake. Tukuitilani ku mwambo wokumbukila imfwa ya Yesu wamene ukacitike pa Sondo pa March 24, 2024.
Ziyakine Zamungakonde
ESSENTIAL BIBLE TEACHINGS
Kansi Ufumu wa Mulungu n’Cinji?
Penzocita ulaliki wake pacalo, Yesu ephunzisa ngako za Ufumu wa Mulungu kupambana nkhani iliyonse. Kwa vyaka vinyinji, okonkha ŵake ankhala opemphela kuti Ufumu wa Mulungu uwele.
CIKUMBUSO
Mukokumbukila Imfwa ya Yesu
Tukuitilani kuti muzacite nase mwambo wokumbukila imfwa ya Yesu mokatizhyana na zecikamba. Mukaphunzile mwamene umoyo koma soti imfwa ya Yesu zingakukhuzileni.
ZOKHUZA SEO
Cikumbuso ca Imfwa ya Yesu
Caka ciliconse, ŵanthu mamiliyoni osonkhana kuti acite mwambo wokumbukila imfwa ya Yesu. Tukusengani kuti mukapezekepo kuti mukaziŵe cifukwa cake mwambo uyu ni wofunika ngako.
ZOKHUZA SEO
Sengani Phunzilo ya Baibo
Phunzilani yankho iliyonse yamungankhale nayo ya m’Baibo, olo phunzilani zokhuza Mboni za Yehova.
