KAMPENI YOITILA ŴANTHU KU CIKUMBUSO
Yesu Akasilizhye Nkhondo
Peenze pacalo, Yesu eonasha cikondi cikulu pa ŵanthu, cakuti efwika mpaka na popeleka moyo wake cifukwa ca ove. (Mateyu 20:28; Yohane 15:13) Lombapano, Yesu aoneshe cikondi cake pa ŵanthu mwakuseŵenzesha mphamvu zake monga Mfumu ya Ufumu wa Mulungu “mwakusilizhya nkhondo pacalo conse.”—Salimo 46:9.
Onani mwamene Baibo yufotokozela zati akacite Yesu:
“Akapulumuse wosauka wamene okuwa posenga thandizo koma soti wonyozeka wamene aliye womuyavya. Akamvwile cisoni munthu wonyozeka na wosauka ndipo akapulumuse miyoyo ya ŵanthu osauka. Akaŵapulumuse kuti asapondelezewe koma soti kucitiliwa zaciwawa.”—Salimo 72:12-14.
Kansi tingaoneshe tyani ciyamikilo casu pa zeciticitila Yesu na zati aticitile lombapano msogolo? Pa Luka 22:19, Yesu elamula ophunzila ŵake kuti akokumbukila imfwa yake. Ndiye cifukwa cake, pomvila lamulo iyi Mboni za Yehova zusonkhana pamozi caka ciliconse kuti zikumbukile imfwa yake. Tukuitilani ku mwambo wokumbukila imfwa ya Yesu wamene ukacitike pa Sondo pa, March 24, 2024.
Ziyakine Zamungakonde
CIKUMBUSO
Mukokumbukila Imfwa ya Yesu
Tukuitilani kuti muzacite nase mwambo wokumbukila imfwa ya Yesu mokatizhyana na zecikamba. Mukaphunzile mwamene umoyo koma soti imfwa ya Yesu zingakukhuzileni.
ESSENTIAL BIBLE TEACHINGS
Kansi Ufumu wa Mulungu n’Cinji?
Penzocita ulaliki wake pacalo, Yesu ephunzisa ngako za Ufumu wa Mulungu kupambana nkhani iliyonse. Kwa vyaka vinyinji, okonkha ŵake ankhala opemphela kuti Ufumu wa Mulungu uwele.
ZOKHUZA SEO
Sengani Phunzilo ya Baibo
Phunzilani yankho iliyonse yamungankhale nayo ya m’Baibo, olo phunzilani zokhuza Mboni za Yehova.
