Mavidyo Ofotokoza Mfundo za m’Baibo—Ziphunziso Zofunika Ngako

Mavidyo aŵa oyankha makonsho ofunika ngako. Anyinji mwa mavidyo aŵa okatizhyana na kabuku kakuti Uthenga Uweme Wofumila Kuli Mulungu!

Kansi Vinthu va m’Cilengedwe Vecitolengewa?

Ŵanthu anyinji oona kuti zayukamba Baibo pa nkhani yokhuza mwevenkhalilako vinthu va m’cilengedwe ni nthano tyala na kuti ni nkhani yosamvwishishika. Kansi zayukamba Baibo ni zacendi?

Kansi Mulungu Ali na Zina?

Mulungu ali na mazina yanyinji ya udindo monga Wamphamvuzonse, Nyamalenga, na Asikulu. Koma zina yeneyene ya Mulungu yupezeka maulwendo opitilila 7,000 m’Baibo.

Kansi ni Ŵani Elemba Baibo?

Ngati yelembewa na ŵanthu, kansi m’pomvwika kuiita kuti mau a Mulungu? Kansi m’Baibo muli maganizo ya ŵani?

Kansi Tingasimikizhyile Tyani Kuti Baibo Yukamba Zacendi?

Ngati Baibo yeuzhyiliwa na Mulungu, yufunika kunkhala yapadela ngako kupambana buku iliyonse.

Ndaŵa Yanji Mulungu Elenga Calo?

Calo ni cozula na zinthu zokongola. Yehova eciika pa mlingo woyenelela kucokela pali zuŵa, ndipo cuzunguluka pa luŵilo yoyenelela. Ndaŵa yanji Mulungu ecita khama teti polenga calo?

N’cinji Cucitika Munthu Akafwa?

Baibo yulonjeza kuti ikafwike nthawi pamene ŵanthu anyinji amene emwalila akaukishiwe monga ni mwezecitikila kuli Lazaro.

Kansi Mulilo wa Helo Uliko Cendi?

Baibo yukamba kuti cifukwa cakuti “Mulungu ni cikondi” anganzunze lini ŵanthu ku mulilo wa helo cifukwa ca volakwa vao vakale.

Kansi Yesu Khristu ni Mulungu?

Kansi Yesu Khristu ni wolingana na Mulungu wamphamvuzonse? Olo ni ŵanthu aŵili osiyana?

Ndaŵa Yanji Yesu Ecifwa?

Payakine mwemvwako kuti Yesu ecifwa kuti atiwombole ku ucimo. Koma kansi imfwa ya munthu umozi ingapindulishe ŵanthu mamiliyoni?

Kansi Ufumu wa Mulungu n’Cinji?

Penzocita ulaliki wake pacalo, Yesu ephunzisa ngako za Ufumu wa Mulungu kupambana nkhani iliyonse. Kwa vyaka vinyinji, okonkha ŵake ankhala opemphela kuti Ufumu wa Mulungu uwele.