Rune Dihlatse tsa Jehova re liketsa ka matla gore re tiyise mitši ya rune le ya batho ba bangwana. Re hlompa Modimo ka gore ke yene ye a thommeng mutši. (Genesi 2:21-24; Maefeso 3:14, 15) Modimo o berekisa Bhayibele go tšhutisa batho ba go tšwa ga dipoleke tsa mehlobohlobo, go ba gelepa gore mitši ya bona yi tiye fote yi jabole.

 Re karakara ka matla gore re berekise tso Bhayibele yi di hlayang fote di re gelepa gore re be banna, basadi le babelegi ba gabutši. (Diyema 31:10-31; Maefeso 5:22–6:4; 1 Thimothi 5:8) Tso re di tšhutang ka ho Bhayibeleng di gelepa le mitši ya gore batho ba gona a ba kene dikereke tsa go tshwana. (1 Petro 3:1, 2) Kwang tso di hlayang ke ba bangwana ba gore a yi Dihlatse tsa Jehova ba gore banna kela basadi ba bona ke Dihlatse tsa Jehova:

•   “Kobodi ya mengwaga ya mo re fetsa go šadha ke mo re fo dulela go lakatsana le go tobelana. Mara ka nthago ga gore mosadi waka Ivete go be Hlatse ya Jehova, o yye a nlefisela pelo fote a nšupetsa gore wa nnyaka. Ka mokgo ne a tšhentšhiye ka gona di yye dya maka gore mošadho wa rune wo sa sinyege”—Clauir, wa go tšwa Brazil.

•   “Ke yye ka gana mo monna waka Chansa a thomisa go tšhuta le Dihlatse tsa Jehova, ka taba la gore ne ke tseya gore batho bone ba sinya mitši ya batho. Mara ke yye ka di bona gore gabutšibutši Bhayibele yi gelepiye mutši wa rune.—Agness, wa go tšwa Zambia.

 Mo re tšhomayela, re šupetsa batho gore tso di leng ka ho Bhayibeleng di ka ba gelepa gore ba:

•   Hlawole gabutši ye ba nyakang go tseyana naye

•   Go tiyisela mongwaga wa mathomo mošadhong

•   Go phidisana gabutši le ba bogading kela ba bokgwenyaneng

•   Go berekisa tšheleta gabutši

•   Go lisetsa go phigisana

•   Go tšhuta go tshwarelana

•   Go tšhutisa bana

 Go fo bolabola nnete, ka nako ye nngwana di ya makega. Mo re beyisa, ka 1998, bo ba go nyakolla ba khamphani ya Sofres ba krayye gore ga 20 ya mešadho, go na le ka wwoši wa gore motho le mosadi wage ba ya lwa ka taba la mo ye mongwana ga bona a fetogiye Hlatse.

 Jeso o hlayye botala gore ba gore ba latelela tso a di tšhutisang ba nyoko ba le mathatha ka dinako tse dingwana. (Matewu 10:32-36) Morene mongwana ye ba reng ke Will Durant o ngwadiye gore ‘Mo go thomisa sedumedi sa Sekreste, batho ba go tlala ba yitseri dikereke tsa Makreste ke tsona di makiyeng gore mitši ya go tlala yi be le mathatha.’ a Byalo le Dihlatse tsa Jehova ba sa fo reyane ka tsona. Ayitsano tsotsone di rela gore Dihlatse ke tsona di makang gore go be le mathatha ka ho mitšing?

 Khota ya Yuropa ya go yemela batho yi yitseri mo go na le mathatha ka mitšing, ga go tlala bowa ba gore a yi Dihlatse ke bona ba makang mathatha yane. Tsowa di maka ke gore ‘a ba dumele kela go hlompa gore ba bangwana ka ho mutšing šele ke Dihlatse.’ Go tokegela gana hone, Khota yone yi yitseri: “Mathatha yane ma ba gona mo o kraya gore ka ho mutšing monna le mosadi a ba kene kereke ya go tshwana.” b Le mo go na le mathatha ya mohlobo wonone, Dihlatse tsa Jehova di liketsa ka matla go latelela so Bhayibele yi se hlayang mo yi re: “Mo ba le sinyela le sa busetse. . . . Mo di kgonega le kwaneneng le batho ka moka.”—Maroma 12:17, 18.

 Dihlatse di berekisa molawo wa Bhayibele wa gore di šadhe le motho “wa gore ke lelata la Morena,” tsotsone di rela gore o šadha le motho wa gore o dumela so a se dumelang. (1 Makorente 7:39) Molawo wo wa Bhayibele wo bereka ka matla. Mo re beyisa, ka 2010 taba ye nngwana ga Journal of Marriage and Family yi yitseri “ga go tlala monna le mosadi ba gore ba kena kereke ka yyoši, ba go maka dilo tsa go tshwana le go dumela ga dilo tsa go tshwana, baa tshwarisana. c

 Mara, Dihlatse a di kutšetsele Dihlatse tse dingwana gore di lahle banna kela basadi ba tsona ba gore a yi Dihlatse. Bhayibele yi re: “Mo nkare go na le mogageru wa gore o na le mosadi wa gore aa dumele ga Morena wa rune fote mosadi yene a dumela go dula naye, mogageru yene a sa mo lisetse, fote le mo mogageru wa mosadi a na le monna wa gore aa dumele ga Morena wa rune mara monna yene a dumela go dula naye, mogageru yene wa mosadi a sa lisetse monnage.” (1 Makorente 7:12, 13) Dihlatse tsa Jehova di theetsela molawo wowa.