Juda 1:1-25
1 Nna Juda bhuti wa Jakobo wa gore ke nna lelata la Jeso Kreste, ke ngwalela bo ba gore Modimo Papa wa rune o ba hlawodiye fote o ba nyaka ka matla, a boya a ba pasopa gore ba be ggoši le Jeso Kreste:
2 Nkare Modimo a ka fo ya mahlong a le kwela go baba, a make gore le bebe fote a le nyake ka matla.
3 Lune magageru ya ke ma nyakang ka matla, le mo ke yye ka karakara gore ke le ngwalele ka go phonisiwa ga rune, ke bonne di le gabutši gore ke le ngwalele, gore ke thogo le hlohletsela ke mokane le lwele tumelo ya lune, ya gore ba yi neyye bo ba go hlawolega ga teya gore yi ba berekele go ya go yye.
4 Ke le ngwalela ka taba la gore ba bangwana ba kenne ho gare ga rune re sa ba bone go ya ka tso di hlayyeng ke Mangwalo ku botala, ba gore ba na le tšhinghi ba tshepiye gore o nyoko ba kwela go baba, fote baa timakisa ho ba re ba latelela ye a re lawolang, Morena wa rune Jeso Kreste.
5 Le mo le šele le tšiba dilo tsowa ka mokana ga tsona, ke nyaka go le gopotsa gore le mo Jehova a yye a phonisa batho bage ku Egepita, so se šalang ke gore ka nthago o yye a bolaya bo ne ba se na tumelo.
6 Le mangeloyi ya gore a maa tshepega ga mmereko wo ma neyiwweng wona, o ma tlemelele ka diketane letshwifing la go tshosa ka matla, ma yemele go yahludiwa mo go segela letšatši le legolo.
7 Go fo tshwana le Sodoma le Ghomora le dipoleke tso ne di le thina nayo, ka mokana ga tsona di yye dya tlungwela bonghwahleng,* fote le batho ba gona ba maka dilo tsa go sa yi ka tsela, ba yye ba tšhubiwa ka mollo, tsotsone ba di ngwalele rune gore di thogo re pasopisa.
8 Go tokegela ga dilo tsone ka mokana ga tsona, batho bowa ba nagana dilo tsa go befa, ba thilafatsa mmele wa bona, ba nyenya bo ba yetang mahlong fote a ba bolabole gabutši ka bo Modimo a ba tseyelang gedimo.
9 Le mo Mayikhele ndhuna ya mangeloyi a yye a thuthana le Diyabolo ka taba la setopo sa Moše, Mayikhele aa mo yahlula ka go mo kgwasolanya, o f’lo re: “Nkare Jehova a ka go wolola.”
10 Mara batho bowa a ba bolabole gabutši ka dilo tsa gore a ba nape ba di kwisisa, fote ga dilo ka mokana ga tsona tso ba di makang ba fo tshwana le diphoolwane tsa go se na menagano, ba sinyela bona beng.
11 Ba ko tikweleng ka taba la gore ba kopisele ga Kayini fote ba goromele ga dilo tsa go befa tso ne di maka ke Bhiliyamo, go yye gwa fela ka bona ka taba la gore ba yye ba sa bolabole gabutši ka bo ba ba yetiyeng mahlong go tshwana le ka mokgo Kora a yyeng a maka ka gona.
12 Batho bowa ke dikelema, ba kotsi go tshwana le matlapa ya ka fase ga meetši, ba ja ba kene ba tšinya nago, ba fo tshwana le ba go disa ba go ba le dipawo. Ba tshwana le maru ya gore ma fo ya ku le ku mara go sa ne pula. Ba tshwana le dihlare tsa gore di tomudiwwe ka taba la go sa yengwe ka nako ya gona fote di punne.
13 Ka mokgo ba sa tšebiseng ke dilo tso ba di makang, ba fo tshwana le mo lewatle le hlatsa dithila, ba palakanne go tshwana le dinanedi, ba nyoko bošediwa letshwifing gwa napa go fela ka bona.
14 Henoge wa gore ke wa bošupa go tloga ga Adamo o porofitiye ka bona a re: “Bonaneng! Jehova o tlile le dikete tsa mangeloyi yage ya go ba le matšhika
15 gore a yahlule batho ka mokana ga bona, le go wolola bo ba sa hlompeng Modimo ka taba la dilo tsa go befa tso ba di makiyeng, le dilo tsa go tshosa tso bo ba go sinyela Modimo ba di bolabodiyeng ka yene.”
16 Batho bowa a ba kgotsofale, ba kokola ka matla ka tsa lephelo, ba tinyakela tsa bona, ba timaka bona, ka thoko ba kene ba thanaka batho ba bangwana* gore ba thogo ba ropa.
17 Byalo lune magageru ya ke ma nyakang ka matla, le sa di tseyeleneng fase dilo tso di yyeng dya bolabola ke mapostola ya Morena wa rune Jeso Kreste,
18 nakwela ma re: “Ka dinako tsa mafelelo go nyoko ba le ba go kwera dilo tsa gabutši, ba go maka tso bona ba di nyakang tsa go sa sipidisane le tsa Modimo.”
19 Ke bona ba yahluganyang batho, ba titshwara go tshwana le diphoolwane, fote a baa tlalela ka ho ga tso tsa Modimo.
20 Mara lune magageru ya ke ma nyakang ka matla, titiyiseneng ka tumelo ya lune ya go hlawolega fote le rapele le kene le yetetsa ke moya wa go hlawolega,
21 gore Modimo a thogo ya mahlong a le nyaka, mo le kene le yemele gore Morena wa rune Jeso Kreste a le kwele go baba ka go le neya lephelo la go ya go yye la gore le sa tla.
22 Bo ba gore a ba titšibi gore ba yemme kaye ka mo ga tso tsa Modimo, le sa lisetse go ba kwela go baba;
23 le ba phoniseneng ka go ba kgufudisa mollong. Ariyeneng mahlong le kwela batho ba bangwana go baba, mara le pasopeneng ba sa le fokole la šinya le tshwana nabo.
24 Modimo o kgona go le pasopa gore di sa le phiriketse le gore le sa be le dithila ho le kene le yemme mahlong gage ka taba la gore ke Modimo wa go gadima, fote o nyoko maka gore le jabole ka matla.
25 Go gadimisiwe Modimo wa rune ka wwoši ye a re phonisang ka Morena wa rune Jeso Kreste, nkare bogoši byage, matšhika yage le go lawola dilo ka mokana ga tsona, tsa gore ne di le gona go tlugisela ku nthago fote di sa le gona le gana byalo lowa, di ka ya mahlong di kene di le gona go ya go yye. Amene.
Ditwaba
^ Bala ga Dihlatollo Tsa Mantsu.
^ Kela “ba maka nkare ba jabodisa ke mekgwa ya ba bangwana.”
