Magoši wa Mathomo 10:1-29
10 Byalo, kgoši ya mosadi ya Šebha yi yye ya kwelela ka tso Solomoni a di makiyeng le gore o tumme ka taba la lebitso la Jehova, ke mokane yi yye ya tla ya mo liketsa ka diputsiso tsa go thathafa.
2 Yi tlile Jerusalema le dibereki tsa yona tsa go tlala ka matla, le dikamela di na le makgura ya bhalesamo, le gholdi ya go tlala le matlapa ya mangwana ya go tura. A ya ga Solomoni, a bolabola naye ka dilo ka mokana ga tsona tso ne di mo hlupa.
3 Solomoni o yye a fetola diputsiso tsage ka mokana ga tsona. A go na le ka yyoši ya gore yi mo šitiye go yi hlatolla.
4 Mo kgoši ya mosadi ya Šebha yi šele yi bonne ka mokgo Solomoni a hlalefiyeng ka gona, ntlo yo a yi yagiyeng,
5 tsa go ja tsage tsa tafoleng ya mo a jelang gona, ka mokgo malata yage ma dulang ka gona tafoleng yone, ka mokgo bo ba leyang tsa go ja ba makang dilo ka gona, ka mokgo ba yaparang, le bo ba go mo tšhelela tsa go nwa, le dihlabelo tsa go tšhubiwa tso a di makang thina le thina ntlong ya Jehova, dilo tsowa ka mokana ga tsona di yye dya mo šiya a makele ka matla.
6 Ke mokane kgoši ya mosadi ya re ga kgoši: “Dilo tso ke di kwileng nageng yaka ka tso o di segeleleng le gore o hlalefiye, ne go le nnete.
7 Mara ka mokana ga tsona tso ba mputsiyeng tsona a ka di tshepa go segela ke tla ke di bona ka maahlo yaka ka mabedi (2). Ye lune! Tso ba mputsiyeng tsona ke tse dinyana. Ka mokgo o hlalefiyeng ka gona le dilo tso o nang natso, di di teya kgole dilo tso ke di kweleleng.
8 Go jabola batho bago le malata yago ya gore ma dula ma le nago ma theetsele tso o di bolabolang tsa go šupetsa gore o hlalefiye!
9 Nkare go ka thanakiwa Jehova Modimo wago, wa gore o mo jabodisiye ke mokane a go beya setulong sa go lawola sa Israyele. Ka taba la gore Jehova o ma nyaka ka matla ga Maisrayele, o beyye wene gore o be kgoši gore o thogo yahlula gabutši le gore o lawole gabutši.”
10 Ke mokane kgoši yowa ya mosadi yi yye ya neya kgoši 120 ya ditalente tsa gholdi,* le makgura ya go tlala ya bhalesamo le matlapa ya mangwana ya go tura. A go na kgoši yo yi yyeng ya tlisa makgura ya go tlala ya bhalesamo go tshwana le ya kgoši ya mosadi ya Šebha yi ma neyyeng Kgoši Solomoni.
11 Dikepe tsa Hirama tsa go tlala tsa gore ke mo di rwele gholdi ya go tšwa Ofiri, ke mo di rwele le dikwata tsa mohlare wa aleghamo tsa go tlala le matlapa ya go tura.
12 Kgoši yi tsere dikwata tsa aleghamo ya thegeletsa ntlo ya Jehova ka tsona le ntlo ya yene beng, yi makiye le diharepa le sa go kgana dikoša sa go ba le motato yi makela bo ba go yepelela. Ba yye ba sa sa leya mohlobo wowa wa dikwata tsa aleghamo kela go di bona go segela le lekgono.
13 Kgoši Solomoni le yene o neyye kgoši ya Šebha se sengwana le se sengwana so yi se nabelang le tso yi di kgopeleng, a tlatsisa ga tso a mo neyyeng tsona a sa tšhofe ke motho. Mo a fetsa a boyela nageng yage le malata yage.
14 Fote gholdi yo Solomoni a yi krayyeng ka mongwaga ka wwoši ne yi kala 666 ya ditalente tsa gholdi,
15 mo re sa bale tso di tšwang ga bo ba go tšwa ba sepela, bo ba dibhizinisi, magoši ka mokana ga wona ya go tšwa Arabhiya le dindhuna tsa mone nageng.
16 Kgoši Solomoni o makiye 200 ya magawu ya magolo ya gore ba ma makiye ka gholdi le tshipi ye nngwana (o berekisiye gana hala ga 7 ya dikhiloghremo* tsa gholdi ga legawu le lengwana le le lengwana)
17 fote o makiye 300 ya magawu ya manyana ya gore ba ma makiye ka gholdi le tshipi ye nngwana (o berekisiye gana hala ga 2 ya dikhiloghremo* tsa gholdi ga legawu le lengwana le le lengwana le lenyana). Ke mokane kgoši yi yye ya di beya ntlong ya yona yo ba reng ke Mašahla ya Lebhanoni.
18 Kgoši yi yye ya maka setulo sa go lawola ka manaka ya tlowu kela ka manaka ya diphoolwane tse dingwana ke mokane ya se kgakgapa ka gholdi ya gore yi sefiwwe.
19 Ne go na le kobodi (6) ya ditepisi tsa go ya mone setulong, gedimo ga setulo sowa sa go lawola ke mo ba rulele ka selo sa kgokolo, kgoši yi yye ya maka setulo sa go lawola, fote ba makiye dithombhe tsa ditawu ka dipedi ka ho le ka ho.
20 Ke mo go na le 12 ya ditawu di fodiye layini mone ga kobodi (6) ya ditepisi, ga setipisi se sengwana le se sengwana ke mo go na le ditawu ka dipedi (2) ka ho le ka ho. A go na mmušo wa gore wo yye wa maka selo sa go tshwana le sowa.
21 Dilo ka mokana ga tsona tso Kgoši Solomoni ne a nwela ga tsona ne di makiwwe ka gholdi, le dilo tse dingwana ka moka tsa Ntlo ya Mašahla ya Lebhanoni ne di makiwwe ka gholdi. Ke mo go se na selo sa go makiwa ka silva, ka taba la gore silva ke mo ba sa yi tseyele gedimo ka dinako tsa Solomoni.
22 Kgoši ne yi na le dikepe tsa go tlala lewatleng la Tarašiši di gahlanne le dikepe tsa go tlala tsa Hirama. Ga teya mo go fela kararo ya mengwaga dikepe tsa go tlala tsa Tarašiši ne di tla di rwele gholdi, silva, manaka ya ditlowu kela ya diphoolwane tse dingwana, ditšhwena le diphikoko.
23 Byalo, Kgoši Solomoni ne a ghannye fote a hlalefiye go phala magoši ya lefaseng ka mokana ga lona.
24 Batho ba lefaseng ka mokana ga lona ne ba nyaka go tla ba tl’le bona Solomoni gore ba thogo kwa mantsu yage ya go šupetsa gore o hlalefisiye ke Modimo.
25 Mongwaga wo mongwana le wo mongwana, ye mongwana le ye mongwana ne a tla a tshwere se sengwana gore a tle a se neye kgoši—ne ba tla le dilo tsa silva, dilo tsa gholdi, dikobo, dikobo tsa ntwa, makgura ya bhalesamo, dipera le dimeyila.
26 Fote Solomoni o yye mahlong a kraya dikotšikara le dipera, ne a na le 1 400 ya dikotšikara le 12 000 ya dipera, ne a di beya ga mitši yo ne a beya dikotšikara fote a di beya thina le mo a dulang gona Jerusalema.
27 Kgoši yi makiye gore ku Jerusalema go be le silva ya go tlala go tshwana le matlapa, fote a maka le gore dikwata tsa mohlare wa mosidara di tlale go tshwana le mehlare ya mogo wa hlaga wa ku Šefela.
28 Dipera tsa Solomoni ke mo ba di tlisa di tšwa Egepita, bo ne a ba roma gore ba mo rekele tsona ke mo ba di reka di tlele ka tšheleta yo ba kwanneng ka yona.*
29 Sekotšikara ka ssoši so ne ba se leya se tšwa Egepita ke mo ba se reka ka 600 ya dišekele tsa silva, ke mokane pera ka yyoši ke mo ba yi reka ka 150 ya dišekele tsa silva; dilo tsowa ka mokana ga tsona ke mo ba di romela ga magoši ka mokana ga wona ya Mahethe le magoši ya Siriya.
Ditwaba
^ Talente ka yyoši yi lekana 34, 2 ya dikhiloghremo. Bona Tsa go Tlats. ga B14.
^ Gabutšibutši ke “600 ya dišekele.” Šekele ka yyoši ne yi lekana 11, 4 ya dighremo. Bona Tsa go Tlats. ga B14.
^ Gabutšibutši ke “dimina ka diraro (3).” Mmina ka yyoši ga Mangwalo ya Seheberu ke mo yi lekana 570 ya dighremo. Bona Tsa go Tlats. ga B14.
^ Di ka fo rela gore “ke mo ba di reka Egepita le Kuwe; bo ba go berekela kgoši ke mo ba di reka Kuwe,” di ka fo makega gore ke poleke ya Silisiya.
