Magoši wa Mathomo 15:1-34
15 Ka mongwaga wa bo 18 wa mo go lawola Kgoši Jerobhowamo morwayi wa Nebhathe, Abhijamo go yye gwa ba kgoši ya Juda.
2 O yye a lawola Jerusalema mengwaga ka meraro (3). Mmane wage ne go le Mayakha motlogolo wa Abhišalomo.
3 O f’lo ya mahlong a maka dilo tsa go befa tso papage a di makiyeng ku nthago, ne a sa berekele Jehova Modimo wage ka pelo yage ka mokana ga yona go tshwana le kokwane wage Dafita.
4 Mara ka taba la Dafita, Jehova Modimo wage o yye a hlawola morwayi wa Abhijamo gore go be kgoši le gore Jerusalema yi dule yi le gona.
5 Dafita o makiye dilo tsa gabutši mahlong ga Jehova, o theetsele selo se sengwana le se sengwana so a mmutsiyeng sona lephelo lage ka mokana ga lona, o f’lo sinya ga taba yela ya Uriya wa Lehethe.
6 Rehobhowamo o lwile le Jerobhowamo lephelo lage ka mokana ga lona.
7 Byalo, dilo ka mokana ga tsona tso di makegeleng Abhijamo le dilo ka mokana ga tsona tso a di makiyeng, ayitsano a di ya ngwadiwa ga puku ya gore go ngwadiwa ditaba tsa go bolabola ka magoši ya Juda? Abhijamo le Jerobhowamo ne ba fo dulela go lwa.
8 Ke mokane Abhijamo o yye a bolokiwa le bokokwane bage Mutšing wa Dafita; ke mokane sekgaleng sage gwa kena morwayi wage Asa gwa ba yene kgoši.
9 Ka mongwaga wa bo 20 wa mo go lawola Kgoši Jerobhowamo wa Israyele, Asa go yye gwa ba kgoši ya Juda.
10 O yye a lawola Jerusalema 41 ya mengwaga. Lebitso la kokwane wage ke mo go le Mayakha motlogolo wa Abhišalomo.
11 Asa o makiye dilo tsa go loka mahlong ga Jehova go fo tshwana le kokwane wage Dafita.
12 O yye a raka banna ba go rekisa mmele tempeleng mone mutšing, a tlosa medimo ya dithombhe ka mokana ga yona ya go silikisa* ya gore ke mo yi makiye ke bokokwane bage.
13 O yye a šinya a tlosa kokwane wage Mayakha ga setulo sa mayemo sa go lawola,* ka taba la gore o yye a maka sethombhe sa go silikisa sa gore ne a se berekisa mo a rapela kwata ya go hlawolega.* Byalo, Asa o yye a phsyayanya sethombhe sa modimo so ne a se makiye ke mokane a se tšhuba Moyeding wa Kidirone.
14 Mara dipoleke tsa go hlawolega a di ya tlusiwa. Le mo go le ka mokgonone, Asa o fetsiye lephelo lage ka mokana ga lona a berekela Jehova ka pelo yage ka mokana ga yona.
15 O yye a leya dilo tsa gore yene le papage ba di makiye gore di hlawolege ntlong ya Jehova—tsa go tshwana le silva, gholdi le dilo tse dingwana tso ne ba di berekisa.
16 Asa le Bhaaša wa gore ke mo go le kgoši ya Israyele ne ba dulela go lwa.
17 Byalo, Kgoši Bhaaša wa Israyele o yye a lwa le Juda ke mokane a tiyisa naga ya Rama gore go sa be le motho ye a tšwang kela ye a kenang nageng ya Kgoši Asa wa Juda.
18 Ke mokane Asa o yye a tseya disilva le digholdi ka mokana ga tsona tso ne di šele ntlong ya Jehova le ntlong ya kgoši, ke mokane a di neya malata yage. Kgoši Asa a di romela ga Bhene-hadadi Kgoši ya Siriya wa gore ke mo a dula Damasekhase, wa gore ne go le morwayi wa Thabhrimoni morwayi wa Heziyoni, a re gage:
19 “Go na le kwano magareng gaka le wene le magareng ga papaka le papago. Ke go romela silva le gholdi. Byalo, tlang o sinye kwano yago le Kgoši Bhaaša wa Israyele gore a sa nhlasele.”
20 Bhene-hadadi o yye a theetsela Kgoši Asa ke mokane a romela dindhuna tsage tsa masole gore di ye lwa le mitši ya Israyele, di yye dya hlasela mutši wa Ijoni, Dani, Abele-bethe-mayakha, Khinerethe ka moka, le dipoleke ka mokana ga tsona tsa Nafthali.
21 Mo Bhaaša a di kwelela, o yye a napa a lisetsa go yaga mutši wa Rama ke mokane a dula Tiriza.
22 Kgoši Asa o yye a bitsa Majuda ka mokana ga wona—gwa sa šale motho—ma yye ma rwala matlapa le dikwata tso ne di le Rama tso Bhaaša ne a yaga ka tsona, ke mokane Kgoši Asa a tiyisa mutši wa Ghebha ka tsona wa gore ne wo le hala Bhenjamini le mutši wa Mizipa.
23 Byalo, dilo ka mokana ga tsona tso di makegeleng Asa, tso a di segeleleng, tso a di makiyeng le mitši yo a yi yagiyeng, ayitsano a di ya ngwadiwa ga puku ya gore go ngwadiwa ditaba tsa go bolabola ka magoši ya Juda? Mara mo a šele a tsofele o yye a kena ke bolwele bya mawoto.
24 Ke mokane Kgoši Asa ba yye ba mmoloka le bokokwane bage Mutšing wa Dafita kokwane wage; ke mokane sekgaleng sage gwa kena morwayi wage Jehošafate gwa ba yene kgoši.
25 Morwayi wa Jerobhowamo ye ba reng ke Nadabhe, o yye a ba kgoši ya Israyele ka mongwaga wa bobedi (2) wa mo Kgoši Asa a lawola Juda, fote o fetsiye mengwaga ka mmedi (2) a lawola Israyele.
26 O yye a fo dulela go maka tsa go befa mahlong ga Jehova, a tseyela ga papage a fo sinya go tshwana naye ka mokgonola a makiyeng gore Maisrayele ma feleletse ma sinya.
27 Bhaaša morwayi wa Ahija wa ntlo ya Isakhara o yye a mo polanela, ke mokane Bhaaša a mmolaya hala Ghibhethone ya gore ke ya Mafilisita, ka nako yonone Nadabhe le Maisrayele ka mokana ga wona ke mo ba dukulugele mutši wa Ghibhethone.
28 Ke mokane Bhaaša o yye a bolaya Nadabhe ka mongwaga wa boraro (3) wa mo go lawola Kgoši Asa wa Juda ke mokane o yye a ba kgoši sekgaleng sage.
29 Mo go šele go le kgoši, o yye a bolaya ba mutši wa Jerobhowamo ka mokana ga bona. Aa šiya le motho ka wwoši ga moloko wa Jerobhowamo; o yye a fetsa ka bona ka mokgo Jehova a hlayyeng ka gona a berekisa lelata lage Ahija wa gore ke mo a tšwa Šilo.
30 Tsowa di makegiye ka taba la tso Jerobhowamo a di sinnyeng, fote a sinyisa Maisrayele, le ka taba la gore o yye a kwatisa Jehova Modimo wa Israyele ka matla.
31 Byalo, dilo ka mokana ga tsona tso di makegeleng Nadabhe le tso a di makiyeng, ayitsano a di ya ngwadiwa ga puku ya gore go ngwadiwa ditaba tsa go bolabola ka magoši ya Israyele?
32 Asa le Bhaaša kgoši ya Israyele ke mo ba fo dulela go lwa.
33 Ka mongwaga wa boraro (3) wa mo go lawola Asa kgoši ya Juda, Bhaaša morwayi wa Ahija o yye a ba kgoši ku Tiriza, a lawola Maisrayele ka mokana ga wona fote o yye a lawola 24 ya mengwaga.
34 O yye a fo dulela go maka tsa go befa mahlong ga Jehova, a tseyela ga Jerobhowamo, a fo sinya go tshwana naye ka mokgonola a makiyeng gore Maisrayele ma feleletse ma sinya.
Ditwaba
^ Lentsu lowa la Seheberu le ka fo ba le tshwana le lentsu la gore “boraga,” fote le berekisiwa ga selo sa gore a se re selo.
^ Gabutšibutši ke “setulong sa go lawola go le kgoši ya mosadi.”
^ Bala ga Dihlatollo Tsa Mantsu.
