Magoši wa Mathomo 17:1-24
17 Byalo, Eliya* wa Letišiba wa go tšwa Ghiliyade, o yitseri ga Ahaba: “Solanka Jehova Modimo wa Israyele ye ke mmerekelang* a sa phela, ka mengwaga yowa go ka sa sa ba le phoka kela pula mo go sa hlaya nna!”
2 Jehova o yitseri gage:
3 “Tloga mowa, o ye bohlabela ga Moyedi wa Kherithe wa gore wo ka bohlabela bya Jorodane, o segele o wutame gona.
4 O nwe meetši ya sedibeng, fote ke nyoko romela megogorwane gore yi go neye tsa go ja gana hone.”
5 O napiye a ya a maka tso Jehova a mmutsiyeng tsona; o yye a dula Moyeding wa Kherithe ka bohlabela bya Jorodane.
6 Byalo megogorwane ke mo yi mo neya sekgwa le nama ka bošego le ka malobana, fote ke mo a nwa meetši ku sedibeng.
7 Mara ka nthago ga nako, sediba sela se yye sa pshya ka taba la gore mone polekeng ne go se na pula.
8 Ke mokane Jehova o yye a mmotsa gore:
9 “Tlogamela o ye Zarephata ya gore yi ku Sidoni, o dule gana ku. Ke mokane ke nyoko romela mosadi wa go hlokofalela ke monna gore a go neye tsa go ja.”
10 Byalo, o yye a tlogamela a ya Zarephata. Mo a segela gheyiting ya mutši wone, o yye a bona mosadi wa gore o hlokofalele ke monna a kotela mahlare. Ke mokane a mmitsa a re gage: “Barena, ke kgopela o nleyele meetši ka komitši gore ke thogo nwa.”
11 Mo a sa ma lata, Eliya a mmitsa a re: “Barena, ke kgopela o ntlele le sekgwa.”
12 Mo a reyane, mosadi yela a re gage: “Solanka Jehova Modimo wago a sa phela, ke ya resa a ke na sekgwa, ke fo ba le folawa ye nyananyana ka teng ga mokorotwane wo mogolo le makgura ya manyana ka teng ga lepotlela le lenyana. Gana byalo ke kotela mahlarenyana, fote ke nyoko maka tsa go ja ke makela nna le morwayi waka. Mo re fetsa go ja re nyoko kgwa.”
13 Byalo, Eliya a re: “O sa tšhabe. Ariye o make ka mokgo o hlayyeng. Mara ke kgopela o thomise ka go mmakela sekgwa se senyana sa kgokolo ka tso o nang natso, o nleyele sona. Ke mokane ka nthago o ko makela wene le morwayi wago.
14 Sowa ke so Jehova Modimo wa Israyele a se hlayang: ‘Folawa yo yi leng ga mokorotwane wo mogolo yi ka sa fele, le makgura ya ma leng ga lepotlela le lenyana ma ka sa fele go segela ka letšatši lo Jehova a makang gore pula yi ne mo fase.’”
15 Byalo, o yye a maka ka mokgo Eliya a mmutsiyeng ka gona, ke mokane yene le ba mutši wage ka moka le Eliya ba yye ba sa gayele tsa go ja ka nako ya go lefa.
16 Mokorotwane wela wo mogolo wa folawa a wa fela, le lepotlela lela le lenyana la makgura ne le sa fela, go makegiye tso Jehova a di hlayyeng a berekisa Eliya.
17 Ka nthago ga dilo tsone ka mokana ga tsona, morwayi wa mosadi yene o yye a lwala, fote bolwele byage bo yye bya gola a feleletsa a kgwile.*
18 Mo go makegiye tsotsone, mosadi yela a re ga Eliya: “Ye barena, anthe ke go sinyele ying wene lelata la Modimo wa mannete? Anthe o tlele go n’gopotsa tso ke di sinnyeng le go bolaya morwayi waka?”
19 Mara Eliya a re gage: “Nneye morwayi wago.” Ke mokane a mo tseya matsogong yage, a mo yisa kamareng yage ya ka gedimo ya gore ke mo a dula ga yona, a segela a mmeya mpetong wage.
20 Eliya o yye a rapela Jehova a re: “Barena Jehova Modimo waka, ayitsano o kwisa mosadi yewa wa go kgwela ke monna go baba wa gore ke vakašele mutšing wage ka go bolaya morwayi wage?”
21 Ke mokane Eliya a haka ngwanela gararo (3) a rapela Jehova a re: “Jehova barena, Modimo waka, ke kgopela o make gore ngwanewa a phele fote.”
22 Jehova o yye a theetsela Eliya, ke mokane ngwanela a phela fote.
23 Eliya o yye a phologa le ngwanela ba tšwa ka ku kamareng ya ka kgakala, a ya naye a segela a mo neya mmane wage; ke mokane Eliya a re: “Bona, morwayi wago wa phela.”
24 Mo a reyane, mosadi yela a re ga Eliya: “Byalo ke ya di tšiba gore ke wene lelata la Modimo wa mannete, fote tso o di hlayang tsa go tšwa ga Jehova go fo ba nnete.”
Ditwaba
^ Yi rela gore “Modimo Waka ke Jehova.”
^ Gabutšibutši ke “ye ke yemmeng mahlong gage.”
^ Gabutšibutši ke “ne a sa sa kgona go wona.”
