Magoši wa Mathomo 18:1-46
18 Mo go fitiye nako, ka mongwaga wa boraro (3) Jehova a re ga Eliya: “Ariye ga Ahaba, ke mokane nna ke nyoko maka gore pula yi ne hone fase.”
2 Byalo Eliya o yye a ya ga Ahaba, ka nako yone tlala ke mo go le ye kgolo ku Samariya.
3 Ke mokane Ahaba o yye a bitsa Obhadiya wa gore ne a wokamela mutšing wage. (Obhadiya ne a hlompa Jehova ka matla,
4 fote hala Jezebhele a bolaya baporofeta ba Jehova, Obhadiya yene o yye a tseya 100 ya bona a ba wutametsa makoring, ga lekori ka lloši ne a tšhela 50 fote ne a ba neya sekgwa le meetši.)
5 Byalo Ahaba a re ga Obhadiya: “Sepelasepela le poleke yowa o ye ga didiba ka mokana ga tsona le ga meyedi ka mokana ga yona. Nakwenngwana re ka kraya mabyang ya go lekana gore dipera le dimeyila di phele, gore diphoolwane tsa rune di sa kgwe ka mokana ga tsona.”
6 Byalo, ba pomelanne poleke yo ba nyoko sepelang ga yona. Ahaba o yye a sepela a le ntoši ka tsela yage, Obhadiya le yene a sepela ka tsela yage.
7 Mo Obhadiya a kene a sepela, Eliya o yye a ya a ye gahlana naye. Obhadiya o yitseri go mmona, a kgotama a yinamisa hlogo, a re: “Eliya, ke wene morenaka?”
8 O mo fetodiye ka gore: “Eya, ke nna. Ariye o ye botsa morena wago gore: ‘Ke šele ke segele.’”
9 Mara Obhadiya a re gage: “Ke sinnye ying sa go šinya se maka gore o re Ahaba a mpolaye nna lelata lago?
10 Solanka Jehova Modimo wago a sa phela, ke ya go tshepisa, a go na naga le mmušo wa gore morena waka aa romela batho gore ba go nyakele ga wona. Le ka nthago ga gore ba hlaye gore, ‘Aa šiyo mowa,’ morenaka o makiye gore mmušo wone le batho ba naga yone ba tshepise gore ka nnete a ba go kraya.
11 Byalo gana byalo o re gaka, ‘Ariye o ye botsa morena wago gore: “Ke šele ke segele.”’
12 Mo ke tloga mowa, moya wa Jehova o nyoko go yisa ga poleke ya gore a ke yi tšibi, ke mokane mo nna ke segela ke botsa Ahaba ka wene ke mokane yene a sa go kraye, ke ya go botsa o nyoko fetsa ka nna. Phela nna lelata lago, ga Jehova ke mo hlompiye go tlugisela ke sa le sešomanyana.
13 Anthe morenaka aa go botsa ka tso ke di makiyeng nakwela Jezebhele a bolaya baporofeta ba Jehova, gore ke wutametsiye 100 ya baporofeta ba Jehova makoring, ga lekori ka lloši ka tšhela 50 le ga le lengwana ka tšhela 50 fote ka ya mahlong ke ba neya sekgwa le meetši?
14 Mara ke wene yewa o re, ‘Ariye o ye botsa morena wago gore: “Ke šele ke segele.”’ Ka nnete o nyoko mpolaya.”
15 Mara Eliya a re gage: “Solanka Jehova wa masole wa gore ke ya mmerekela a sa phela, lekgono ke nyoko ya gage.”
16 Byalo, Obhadiya o yye a ya a ye gahlana le Ahaba a mmotsa taba yowa, ke mokane Ahaba a tloga a ye gahlana le Eliya.
17 Mo Ahaba a bona Eliya a re gage: “Nje ke wene wa gore o re tlisele mathatha ya magolo mo Israyele?”
18 Mara Eliya a re gage: “Nna a ka tlisa mathatha ho Israyele, wene le ba mutši wa papago ke lune le ma tlisiyeng ka gore a la theetsela tso Jehova a le butsiyeng tsona mara le yye la theetsela medimo ya Bhaali.
19 Byalo, bitsa Maisrayele ka mokana ga wona ma gahlane le nna Thabeng ya Kharamele, o bitse le 450 ya baporofeta ba Bhaali le 400 ya baporofeta ba kwata ya go hlawolega,* ba gore Jezebhele o ba neya tsa go ja.”
20 Byalo Ahaba a romela lentsu ga Maisrayele ka mokana ga wona, fote a kgobaketsa le baporofeta ku Thabeng ya Kharamele.
21 Ke mokane Eliya a bolabola le batho ka mokana ga bona a re: “Anthe le nyoko lisetsa neng taba yo ya lune ya go kamaka, ya go ba ka ho le ka ho? Mo nkare Jehova ke yene Modimo wa mannete, rapelaneng yene; mara mo nkare Bhaali ke yene Modimo wa mannete, rapelaneng yene!” Mara batho bala a baa mo fetola.
22 Byalo Eliya a re ga bona: “Ke nna moporofeta wa Jehova wa mannete ke šeleng ke le ntoši, hala baporofeta ba Bhaali go le 450 ya banna.
23 Yemaneng batho bowa ba re neye dinamane ka dipedi (2), ke mokane baporofeta ba kgete ka yyoši ya dinamane tsowa, ba yi kopelele ba yi beye gedimo ga mahlare, mara ba sa gotse mollo. Ke mokane nna ke nyoko lukiselela senamane sowa se sengwana, ka se beya gedimo ga mahlare mara nka sa gotse mollo.
24 Ke mokane lune le bitse lebitso la modimo wa lune, le nna nko bitsa lebitso la Jehova. Modimo ye a fetolang ka go tšhuba mollo, go ko ba go le yene Modimo wa mannete.” Byalo batho ka mokana ga bona ba fetola ba re: “Tso o di hlayang di gabutši ka matla.”
25 Ke mokane Eliya a re ga baporofeta ba Bhaali: “Thomisaneng lune le kgete senamane le se lukiselele, ka taba la gore lune le tlele. Ke mokane le bitseneng lebitso la modimo wa lune, mara le sa gotseneng mollo.”
26 Ke mokane ba tseya senamane sela ba ba neyyeng sona ba se lukiselela, fote ba ya mahlong ba bitsa lebitso la Bhaali go thomisa ka bošego go segela ka sethewo, ba re: “Bhaali barena, re fetole!” Mara aa fetola. Byalo, ba ya mahlong ba tshelatshela ba kene ba dukuluga aletare yo ba yi makiyeng.
27 Ka sethewo, Eliya a ba kwera a re: “Mmitseneng le yahlamela! Ke modimo akere! Nakwenngwana o sa yye le monagano kela o sa yye tawong.* Kela o sa yetsele, di nyaka ba mo tsosa!”
28 Ke mo ba yahlamela ka matla, ba tiseganya ka dithipa le marumo go ya ka setšo sa bona, go segela ba tšwa madi mmele wo ka mokana ga wona.
29 Mo le šele le kgwalala, ke mo ba sa fo ya mahlong ba maka tsa go hlanya* gwa šinya go segela nako ya go maka dihlabelo tsa mabele, mara ke mo go se na lentsu, go se na ye a fetolang; fote go se na ye a ba theetselang.
30 Ke mokane Eliya a ya mahlong a re ga batho ka moka: “Šutelaneng ho gaka.” Ke mokane ba šutela. Gana hone o yye a lukisa aletare ya Jehova ya gore ne yi sinyegiye.
31 Ke mokane Eliya o yye a tseya 12 ya matlapa, matlapa yane ke mo ma lekana le meloko ya barwayi ba Jakobo ya gore Jehova o yitseri ga wona: “Lebitso la lune ke Israyele.”
32 Ka matlapa yane o yye a yaga aletare ya go thanaka lebitso la Jehova. O yye a maka foro ya go dukuluga aletare, ga foro yone ke mo ba ka tšhela pewu ya go lekana gana hala ga 10 ya dikhiloghremo.
33 Ka nthago ga hone, o yye a beya dikwata ka letheto, a kopelela senamane sela gore go be ditlopotlopo ke mokane a se beya gedimo ga mahlare yala. A re: “Tlatsaneng mekorotwane ka mine (4) ka meetši, le fetse le ma tšhele mo gedimo ga sehlabelo le mo gedimo ga mahlare.”
34 Ke mokane a re: “Tšhelaneng fote.” Ba maka ka mokgonone. A boyelela fote la boraro (3) a re: “Tšhelaneng fote.” Ba maka ka mokgonone.
35 Meetši yane ke mo ma falala ma dukuluga aletare, fote o yye a tlatsa diforo tsela ka meetši.
36 Mo nako ya go maka sehlabelo sa mabele yi segela ka malobana, moporofeta Eliya a šutela mahlong ga aletare a re: “Jehova barena, Modimo wa Abhrahama, Isaka le Israyele, lekgono lowa maka gore ba tšibe gore ke wene Modimo wa Israyele, nna ke lelata lago, le gore tso ke nyoko di makang gana byalo ke wene o mputsiyeng gore ke di make.
37 Wene Jehova mfetole barena! Mfetole gore batho bowa ba di tšibe gore ke wene Jehova Modimo wa mannete, fote o maka gore ba sokologe.”
38 Ka nako yonone, mollo wa go tšwa ga Jehova wa segela wo tšwa gedimo, wa segela wo tšhuba sehlabelo sela, mahlare yala, matlapa yala le lerole ke mokane wa womisa meetši yala ya gore ke mo ma le ka ku forong.
39 Mo batho ka mokana ga bona ba di bona, ba napa ba kgotama ba yinama ba re: “Jehova ke Modimo wa mannete! Jehova ke Modimo wa mannete!”
40 Ke mokane Eliya a re: “Tshwaraneng baporofeta ba Bhaali! Le sa lisetsi le ka wweši a tšhaba!” Ke mokane ba napa ba ba tshwara, Eliya a tla nabo moyeding wa Kišoni ke mokane a ba bolayela gona.
41 Eliya a re ga Ahaba: “Ariye, o segele o je, o nwe ka taba la gore go kwagala modumo wa pula ye kgolo.”
42 Ahaba o yye a ya gore a ye jeng le go nwa, Eliya yene a rotoga thaba ya Kharamele gore a ye ku gedimo ga yona ke mokane a segela a kgotama fase, sefahlego sage se tikisiye matolo yage.
43 Ke mokane Eliya a re ga lelata lage: “Barena ariye ku gedimo ga thaba, o segele o lebelela ku thoko ya lewatle.” Ke mokane lelata lage la ya, la segela le lebelela ke mokane la re: “A go na selo le ka gonyana.” Eliya o hlayye gašupa (7) a re, “Boyela.”
44 Mo lelata lage le boyela fote la bošupa (7) la re: “Bona! Go na le liru le lenyana la nkare ke letsogo la motho le tšwa ku lewatleng.” Ke mokane Eliya a re: “Ariye o botse Ahaba gore, ‘Lukisa sekotšikara! O thewoge gore pula yi sa go kraye!’”
45 Ka nako yone, legedimo ke mo le thomisa go fifala, go foka moya, le pula yi thomisa go na; ke mokane Ahaba ne a kalamme sekotšikara sage a bakiye Jeziriyele.
46 Mara Jehova o yye a neya Eliya matšhika, o yye a tantetsa kobo yage ho masekeng ke mokane a taboga a yetiye Ahaba mahlong go segela Jeziriyele.
Ditwaba
^ Bala ga Dihlatollo Tsa Mantsu.
^ Di ka fo rela gore “o sa vakašiye.”
^ Kela “ne ba maka tso di makang ke baporofeta.”
