Magoši wa Mathomo 2:1-46
2 Mo Dafita a šele a le thina le go kgwa, o yye a botsa morwayi wage Solomoni a re:
2 “Ke šele ke nyoko kgwa. Byalo, tiyelela o tišupetse gore ke wene monna.
3 Di nyaka o dula o theetsela Jehova Modimo wago ka go sepela ditseleng tsage, o make tso di ngwadiwweng molawong wage, o make dilo ka moka tso a go botsang tsona, o yahlule ka mokgo a yahlulang ka gona le go maka tso di ngwadiwweng ga Molawo wa Moše; ke mokane o nyoko phomelela ga selo se sengwana le se sengwana so o se makang le go gongwana le go gongwana mo o yang gona.
4 Fote Jehova o nyoko maka tso a ntshepisiyeng tsona tsa gore: ‘Mo barwayi bago ba ka theetsela ka go dula ba tshepega ho gaka ka dipelo tsa bona ka moka le ka maphelo ya bona ka moka,* moloko wago ka mokana ga wona wo nyoko dula ga setulo sa go lawola sa Israyele go ya go yye.’
5 “Fote o di tšiba gabutši tso Jowabho morwayi wa Zeruya a mmakiyeng tsona, tso a di makiyeng Abhonere morwayi wa Nere le Amasa morwayi wa Jethere, ba gore ba le ka babedi (2) ke ba bagolo ba masole ya Israyele. O ba bolayye, o falatsiye madi ya bona ka nako ya gore ne go bebiye, aa ma falatsa ka nako ya ntwa fote o tšhediye madi ya ntwa ga lepanta la gore le ho masekeng yage le ga dimphašane tsage.
6 O make dilo go ya ka mokgo o di tšibang ka gore o hlalefiye fote o sa mo lisetsi a tšwa dimpu a šinye a tikgwela.
7 “Mara ga barwayi ba Bhazilayi wa Leghiliyade o dule o šupetsa gore o ba nyaka ka matla, fote o ba bitse ba dule nago tafoleng mo o ja ka taba la gore ba yye ba yema le nna nakwela ke tšhabelela bhuti wago Abhsalomo.
8 “Fote go na le Šimeyi morwayi wa Ghera wa moloko wa Bhenjamini wa go tšwa Bhahurimi. Ke yene ye a yyeng a nrogelela go baba ka šinya ke ba le senyama tšatši lela ke ya Mahanayime; mara nakwela a tl’le gahlana le nna nokeng ya Jorodane ke yye ka mo tshepisa ka lebitso la Jehova ka re: ‘Nka sa go bolaye ka sabola.’
9 O make se sengwana o sa fo mo lisetsa ka taba la gore wene o hlalefiye fote wa tšiba so o tshwaneleng go se maka; o sa mo lisetsi a tsofala go segela a tikgwela.”
10 Byalo Dafita o yye a bolokiwa le bokokwane bage ga poleke yo ba reng ke Mutši wa Dafita.
11 Dafita o fetsiye 40 ya mengwaga a lawola Israyele. Ku Hebhrone o yye a lawola kašupa ya mengwaga ke mokane ku Jerusalema a lawola 33 ya mengwaga.
12 Solomoni o yye a dula ga setulo sa go lawola sa papage Dafita, ke mokane ka gonyana ka gonyana mmušo wage wo yye wa thomisa go tiyelela.
13 Mo nako yi kene yi ya, Adonija morwayi wa Haghithi a tla ga Bhathi-šeba mmane wa Solomoni. Bhathi-šeba a re: “Ayitsano o tlile ka tsa gabutši?” Adonija a re: “Eya.”
14 Adonija a re: “Go na le so ke nyakang go go botsa sona.” Bhathi-šeba a re: “Mpotse.”
15 Adonija a re: “O di tšiba gabutši gore nna ke mo ke tshwanele go ba kgoši fote Israyele ka mokana ga yona ne yi nagana gore ke nyoko ba kgoši; mara bogoši bo ntshidiye bya ya ga bhuti waka ka taba la gore ke so Jehova ne a nyaka sona.
16 Mara gana byalo ke kgopela selo ka ssoši gago. O sa gane barena.” Bhathi-šeba a re gage: “Mpotse.”
17 Ke mokane a re: “Barena, kgopela kgoši Solomoni gore a nneye Abhišage wa Lešuneme gore go be mosadi waka, ka taba la gore a ka sa gane gago.”
18 Mo a reyane, Bhathi-šeba a re: “A go na bothatha! Nko go bolabolela le kgoši.”
19 Ke mokane Bhathi-šeba a ya ga Kgoši Solomoni gore a ye bolabola naye ka taba ya Adonija. Mo a segela, kgoši ya napa ya tlogamela ya mo gahlanetsa, ya mo thinyela letolo. Ke mokane kgoši ya dula setulong sa yona sa go lawola, ya maka gore ba beye setulo ka letsogong la yona la go ja gore mmane wa yona a thogo dula ga sona.
20 Bhathi-šeba a re: “Go na le selo se senyananyana so ke se kgopelang gago. O sa gane.” Byalo kgoši ya re gage: “Kgopela mmane; nka sa gane.”
21 A re: “Tseya Abhišage wa Lešuneme o mo neye bhuti wago Adonija gore go be mosadi wage.”
22 Mo a reyane, Kgoši Solomoni a re: “Ke ntaba o kgopelela Adonija gore Abhišage wa Lešuneme go be mosadi wage? Ke ntaba o sa fo napa o mo kgopelela bogoši byowa ka taba la gore ke bhuti waka ye mogolo, fote Abhiyathara wa moprista le Jowabho morwayi wa Zeruya ba yema naye.”
23 Mo a reyane, Kgoši Solomoni a tshepisa ka lebitso la Jehova a re: “Nkare Modimo a ka n’wolola a boya a yeketsa mo nkare Adonija aa kgwe ka taba la dilo tso a nkgopeleng tsona.
24 Byalo, solanka Jehova a sa phela, wa gore o makiye gore mmušo waka wo tiyelele, wa gore o nneyye setulo sa go lawola sa papaka Dafita, wa gore o makiye gore ke lawole fote o nyoko neya ditlogolwane tsaka mmušo wowa ka mokgo a tshepisiyeng, ke ya go botsa lekgono lo, Adonija o nyoko kgwa.”
25 Ke mokane Kgoši Solomoni a napa a roma Bhenaya morwayi wa Jehoyada, ke mokane a ya a bolaya Adonija.
26 Ke mokane kgoši ya re ga Abhiyathara wa moprista: “Ariye ga dipoleke tsago tsa gore di ku Anathothe! O tshwanele go kgwa ka taba la tso o di makiyeng, mara lekgono nka sa go bolaye ka taba la gore o yye wa rwala Areka ya Jehova Morena wa go Lawola, nakwela papaka Dafita a sa phela le ka taba la gore ga mehlupego ka mokana ga yona yo papa a fitiyeng ga yona ke mo o le naye.”
27 Byalo Solomoni a yamoga Abhiyathara mmereko wa go ba moprista wa Jehova gore a make so Jehova a se hlayyeng ka mutši wa Eli ku Šilo.
28 Jowabho le yene ke mo a yema le Adonija mara a sa yeme le Abhsalomo, byalo mo a di kwelela a tšhabela letenteng la Jehova ke mokane a segela a ngangarela manaka ya aletare.
29 Ke mokane Kgoši Solomoni ba mmotsa gore: “Jowabho o tšhabele letenteng la Jehova, o hala thina le aletare.” Solomoni a botsa Bhenaya morwayi wa Jehoyada a re: “Ariye o ye mmolayeng!”
30 Bhenaya a ya letenteng la Jehova, a re ga Jowabho: “Kgoši yi re, ‘Tšwang ka mone!’” Mara yene a re: “Awwa ke nyaka go kgwela howa.” Ke mokane Bhenaya a sologa a ya ga kgoši a re: “Tso ke tso di hlayyeng ke Jowabho, o mfetodiye ka mokgonone.”
31 Byalo, kgoši ya re gage: “Maka ka mokgo a hlayang; mmolaye o mmoloke, o tlose molato ho gaka le ntlong ya papa, wo Jowabho a wo makiyeng wa go bolaya batho ba gore ke mo ba sa sinya selo.
32 Jehova o nyoko patedisa yene ka taba la molato wa madi, ka gore mo a bolaya banna bala ka babedi (2) ka sabola, ba go loka ka matla ba gore fote baa mo phala, papaka Dafita ke mo a sa di tšibi. Banna bone ne go le Abhonere morwayi wa Nere wa gore ne go le ye mogolo wa masole ya Israyele, le Amasa morwayi wa Jethere wa gore ne go le ye mogolo wa masole ya Juda.
33 Molato wa bona wa madi go nyoko ba wa Jowabho le ditlogolwane tsage go ya go yye; mara ga Dafita, ditlogolwane tsage, ba mutši wage le bogoši byage, nkare Jehova a ka maka gore go dule go bebiye go ya go yye.”
34 Bhenaya morwayi wa Jehoyada a ya a bolaya Jowabho, ke mokane ba mmoloka mutšing wage ku mašahleng.
35 Ke mokane kgoši ya beya Bhenaya morwayi wa Jehoyada gore go be yene ye mogolo wa masole sekgaleng sa Jowabho, fote ya beya Zadoke gore go be moprista sekgaleng sa Abhiyathara.
36 Byalo kgoši ya bitsa Šimeyi ya re gage: “Tiyagele ntlo Jerusalema o dule gona; fote o sa tloge mone ga yona o ya dipolekeng tse dingwana.
37 Mo o ka fo tšwa wene wa ya mosekola wa Kidirone, ka letšatši lolone o nape o di tšiba gore o nyoko kgwa. Fote molato go nyoko ba go le wago.”
38 Šimeyi a re: “Tso o di hlayang di ya kwagala. Nna lelata lago ke nyoko maka tso morena kgoši yaka yi di hlayang.” Byalo Šimeyi a dula Jerusalema nako ya go lefa.
39 Mara ka nthago ga mengwaga ka meraro (3), mabhantiti ya Šimeyi ka mabedi (2) ma yye ma tšhabela ga Akhiši morwayi wa Mayakha kgoši ya Ghathe. Mo Šimeyi ba mmotsa gore: “Ye naa! Mabhantiti yago ma tšhabele Ghathe,”
40 a napa a kalama bhongholo yage a ya ga Akhiši ku Ghathe gore a late mabhantiti yage. Mo Šimeyi a buyye Ghathe le mabhantiti yage,
41 Solomoni ba mmotsa gore: “Šimeyi ke mo a tšwile mo Jerusalema a yye Ghathe, mara gana byalo o šele a buyye.”
42 Mo ba reyane, kgoši ya bitsa Šimeyi ya re gage: “Anthe a ke ya maka gore o tshepise ka lebitso la Jehova, ka boya ka go pasopisa ka re: ‘Mo o ka fo tšwa wa ya polekeng ye nngwana, ka letšatši lolone o nape o di tšiba tsa gore o nyoko kgwa’? Anthe a yi wene o hlayyeng gaka wa re, ‘Tso o di hlayang di ya kwagala; fote ke nyoko di maka’?
43 Byalo ke ntaba o sa maka dilo tso o di tshepisiyeng Jehova fote o sa theetsela molawo wo ke go neyyeng wona?”
44 Kgoši ya re ga Šimeyi: “O tšiba gabutši gore ga papaka Dafita o mo kwisiye go baba go segela kaye, fote Jehova o nyoko re molato ke wago.
45 Mara Jehova o nyoko rufa Kgoši Solomoni fote bogoši bya Dafita bo nyoko fo dula bo le gona go ya go yye.”
46 Kgoši ya botsa Bhenaya morwayi wa Jehoyada gore a mmolaye, ke mokane a mmolaya.
Mmušo wa napa wo tiya ka matla mo go lawola Solomoni.
Ditwaba
^ Bala ga Dihlatollo Tsa Mantsu.
