Magoši wa Mathomo 3:1-28
3 Solomoni o yye a tseya mosadi mutšing wa Faro kgoši ya Egepita. O šadhiye le morwediya wa Faro, a tla naye ga poleke yo ba reng ke Mutši wa Dafita gore a be naye go segela a fetsa go yaga ntlo yage, ntlo ya Jehova le go yaga lepharo la go dukuluga Jerusalema.
2 Mara batho ke mo ba sa na ba maka dihlabelo ga poleke ya go hlawolega, ka taba la gore go segela ka nako yonone ne go soko yagiwa ntlo ya lebitso la Jehova.
3 Solomoni o yye a fo ya mahlong a šupetsa gore ga Jehova o mo nyaka ka matla ka go latelela melawo ya Dafita papage, mara yene ke mo a maka dihlabelo fote a di tšhuba dipolekeng tsa go hlawolega.
4 Kgoši ya ya Ghibhiyoni gore ye makela dihlabelo gona, ka taba la gore ke mo go le poleke ya go hlawolega go di phala ka moka. Solomoni o makiye 1 000 ya dihlabelo tsa go tšhubiwa ga aletare ya gona.
5 Mo Solomoni a sa le Ghibhiyoni, Jehova o yye a nyarela gage ka moloro bošego, a re gage: “Nkgopele so o nyakang ke go neya sona.”
6 Mo a reyane, Solomoni a re: “O šupetsiye papaka Dafita wa gore ke lelata lago gore o mo nyaka ka matla nakwela a go berekela ka go tshepega fote a šupetsa gore o lukiye, a boya a maka dilo ka pelo ye tšhwewu. Fote o mo šupetsiye gore o mo nyaka ka matla go segela le lekgono lowa ka go mo neya morwayi gore a dule setulong sage sa go lawola.
7 Mara gana byalo Jehova Modimo waka, o makiye nna lelata lago kgoši sekgaleng sa papaka Dafita le mo nkene ke le sešomanyana sa gore a se tšibi selo.
8 Nna lelata lago ke nna ye mongwana ga batho bo o ba hlawodiyeng, batho ba gona ba tlele ka matla tsa gore di ka sa kgonege go ba balela.
9 Byalo, maka gore lelata lago le theetsele gore le thogo yahlula batho bago, le tšibe gare ga sa go loka le sa go sa loka, ka gore ke mang wa gore a ka kgona go yahlula batho bago ba gore ba tlele ka matla?”
10 Mo Solomoni a kgopela dilo tsowa, Jehova di mo jabodisiye ka matla.
11 Ke mokane Modimo a re gage: “Akere o kgopele gore o kgone go yahlula gabutši, a wa kgopela lephelo la go lefa kela go ghanya kela gore ke bolaye manaba yago,
12 ke nyoko maka tso o di kgopelang. Ke nyoko maka gore o hlalefe, o kwisise dilo ka gore a sanka gwa ba le motho wa go tshwana nago fote a ka sa be gona.
13 Go tokegela gana hone, ke nyoko go neya le dilo tsa gore a wa di kgopela, ke nyoko maka gore o ghanye fote o hlompege gore go sa be le kgoši ya go tshwana nago mo o sa na o phela.
14 Fote mo o ka fo ngangarela ditsela tsaka ka go theetsela melawo yaka, le go maka tso ke di hlayyeng go tshwana le ka mokgo go makiyeng Dafita papago, ke nyoko maka gore o phele nako ya go lefa.”
15 Mo Solomoni a tsoga, o yye a di bona gore ke mo a lora. Ke mokane a tloga a ya Jerusalema a segela a yema mahlong ga areka ya Jehova ya go kwanisanya, a maka dihlabelo tsa go tšhubiwa le tsa go hlekediwa fote a makela le malata yage ka mokana ga wona monyanya wo mogolo.
16 Ka nako yonone go yye gwa kena basadi ka babedi (2) ba go rekisa mmele ba yema mahlong ga kgoši.
17 Mosadi wa mathomo a re: “Šii barena morenaka, nna le mosadi yewa re dula ntlong ka yyoši fote mo ke kraya ngwana ke mo ke le naye ka ho ntlong.
18 Mo go šele go fitiye matšatši ka mararo (3) ke krayye ngwana, mosadi yewa le yene o yye a kraya ngwana. Ke mo ke le naye, go le rune ka babedi (2) fela; ke mo go se na motho ye mongwana ka mone ntlong.
19 Morwayi wa mosadi yewa o yye a hlokofala bošego ka taba la gore mmane wage o f’lo tikraya a mo yetselele.
20 Byalo, o yye a tsoga gare ga bošego a tseya morwayi waka ho thina gaka a mo yetsedisa dikgubeng tsage nna lelata lago la ngwannyana ke sa yetsele, ke mokane a tseya morwayi wage wa gore o hlokofele a mo yetsedisa dikgubeng tsaka.
21 Mo ke tsoga ka bošego ke sa re ke yangwisa morwayi waka, ke di bonne tsa gore ngwanewa o hlokofele. Ke mokane mo ke mo lebelela gabutši ka bošego byobyone ka di bona gore yewa a yi yene morwayi waka ye ke mmelegiyeng.”
22 Mara mosadi yewa ye mongwana a re: “O na le matsaka, morwayi waka ke yewa wa go phela, yewa wa gore o hlokofele ke wago!” Ke mokane mosadi wa mathomo a re: “O na le matsaka, morwayi wago ke yewa wa gore o hlokofele, yewa wa gore wa phela ke waka.” Ke mo ba phigisana ka mokgonone mahlong ga kgoši.
23 Ke mokane kgoši ya re: “Yewa o re, ‘Morwayi waka ke yewa wa go phela, yewa wa gore o hlokofele ke wago!’ ye mongwana o re, ‘O na le matsaka, morwayi wago ke yewa wa gore o hlokofele, yewa wa gore wa phela ke waka!’”
24 Ke mokane kgoši ya re: “Nneyeneng sabola.” Ke mokane ba mo neya.
25 Kgoši ya re: “Kopaneng sengwananyana sowa sa gore se ya phela ka bogare, le tseye setlopo le se neye mosadi yewa se sengwana le se neye yewa ye mongwana.”
26 Mosadi yewa wa gore morwayi wage ne a phela o yye a yakgoswa a kgopela kgoši ka taba la gore ne a kwela ngwanage go baba. O yitseri: “Morena barena! Go kawone o tseye ngwanewa wa gore wa phela o mo neye mosadi yewa gee! Ke kgopela o sa mmolaye barena!” Mara mosadi yela ye mongwana ne a re: “Go kawone ba mo kope ka bogare! Go sa be wago kela gwa ba waka!”
27 Mo kgoši yi kwa tsotsone, ya re: “Tseya ngwanewa wa gore wa phela o mo neye mosadi yewa wa mathomo! Ke yene mmane wage, o sa mmolaye.”
28 Batho ba Israyele ka mokana ga bona ba kwile ka mokgo kgoši yi yahludiyeng taba yowa ka gona, fote ba yye ba šala ba yahlamme ka taba la gore ne ba di bonne gabutši gore Modimo o hlalefisiye kgoši gore yi thogo yahlula gabutši.
