Magoši wa Mathomo 6:1-38
6 Mo go šele go fitiye gana hala ga 480 ya mengwaga Maisrayele* ma šele ma tšwile nageng ya Egepita, fote go šele go fitiye gana hala ga mengwaga ka mine (4) Solomoni go le kgoši ya Maisrayele ka moka, ka kgwedi ya Zivi* (ya gore yi rela kgwedi ya bobedi (2)), Solomoni o yye a yaga ntlo ya Jehova.*
2 Ntlo yo Kgoši Solomoni a yi yageleng Jehova ke mo yi lekana 60 ya dikhyubhiti* ka go lefa, 20 ya dikhyubhiti* ka go nama le 30 ya dikhyubhiti* ka go ya gedimo.
3 Ka mo mahlong ga tempele ke mo go lefiye go lekana 20 ya dikhyubhiti, fote ke mo go tshwana le go nama ga ntlo yone. Ke mokane gana hone mahlong ga tempele ke mo go lekana 10 ya dikhyubhiti ka go ya teng.
4 Solomoni o makiye ntlo ya go ba le mafastere ya gore diforemo tsa gona ka ho teng ke tse dikgolo mara ka ho tawong ke tse dinyana.
5 Fote ka ho nthoko ga lepharo la ntlo yone o yye a yaga lepharo le lengwana; lepharo lone ke mo le yagelele mapharo ka mokana ga wona ya ntlo yone, ya tempele yone le ya kamara ya ka ku tengteng, a boya a maka gore lepharo lone le be le dikamarana.
6 Ga dikamarana tsone, lebato la ka fase le lekana kapheta (5) ya dikhyubhiti ka go nama, lebato la ho gare le lekana kobodi (6) ya dikhyubhiti ka go nama, la kararo le lekana kašupa ya dikhyubhiti ka go nama, fote o beyye mapolanka go dukuluga ntlo ka mokana ga yona gore lepharo la dikamara tsone le sa tikisi tempele.
7 Ntlo yowa ke mo yi yagiwwe ka matlapa ya gore ke mo ba šele ba ma fefiye, gore mo ba kene ba yi yaga go sa be le medumo ya dihamola, dilepe le dithulusi tse dingwana tsa tshipi.
8 Monyako wa go kena ga dikamara tsowa ne wo le ka borwa bya ntlo yone, fote ne go na le ditepisi tsa go segela ga lebato la bobedi (2), ke mokane gana hone ga lebato la bobedi (2) ke mo go na le tse dingwana tsa go segela ga lebato la boraro.
9 O yagiye ntlo yone a šinya a yi fetsa, a yi kapela ka makapa ya go makiwa ka mohlare wa mosidara ke mokane a fodisa mapolanka ya mosidara gore a rulele ka wona.
10 O yagiye dikamara tsowa di dukuluga ntlo ka mokana ga yona, ne di lekana kapheta (5) ya dikhyubhiti ka go lefa, fote ke mo ba berekisiye dikwata tsa mosidara gore ba di hlomagetse mone ntlong.
11 Ka nako yonone, Jehova o romele Solomoni mantsu ya gore:
12 “Mo o ka sepela ka melawo yaka, wa yahlula ka mokgo ke nyakang fote wa theetsela melawo yaka ka mokana ga yona, ke nyoko maka so ke se tshepisiyeng papago Dafita ka ntlo yo o yi yagang,
13 fote ke nyoko dula ke na le Maisrayele, nka sa tsoge ke jikele batho baka le ka tšatši la mohlolo.”
14 Solomoni o yye mahlong a yaga ntlo yone go segela a yi fetsa.
15 Mapharo ya ka ho teng o ma yagiye ka mapolanka ya mosidara. O kwadiye lepharo lone ka dikwata go thomisa ho fase go segela ku gedimo, ke mokane ho fase a yatlala mapolanka ya mohlare wa junipha.
16 Fote mo mafelelong ga ntlo yone o yye a yaga kamara ya go lekana 20 ya dikhyubhiti ka mapolanka ya mohlare wa mosidara, a yi yaga go tlugisela fase go segela gedimo ke mokane ka ho teng ga yona* a yaga kamara ya gore ne ba re ke Poleke ya go Hlawolega ka Matla.
17 Mo mahlong ga ntlo yone ke mo go na le kamara ya gore ne ba re ke ya go hlawolega—ke mo yi lekana 40 ya dikhyubhiti.
18 Mapolanka yane ya mosidara ya gore ma ka teng ga ntlo ke mo ba ma fadiye diyengwa tsa kgokolo tse dinyana le mabhlomu ya gore ma bhlomme. Mapharo yane ka mokana ga wona ke mo ba ma kwadiye ka mapolanka ya mohlare wa mosidara; go sa bonagale le letlapa ka lloši.
19 Fote o yye a lukisa kamara ya go hlawolega ka matla ya gore yi ka teng ga ntlo yone gore a thogo beya areka ya go kwanisanya batho le Jehova.
20 Kamara yone ya go hlawolega ke mo yi lekana 20 ya dikhyubhiti ka go lefa, 20 ya dikhyubhiti ka go nama le 20 ya dikhyubhiti ka go ya gedimo; ke mokane a yatlala kamara yone ka gholdi ya nnete; a yatlala aletare ka mapolanka ya mohlare wa mosidara.
21 Solomoni o yye a kgakgapa ntlo yone ka mokana ga yona ka ho teng ka gholdi ya mannete, fote o yye a beya diketane tsa gholdi mahlong ga kamara ya go hlawolega ka matla, ya gore le yona ke mo ba yi kgakgapiye ka gholdi.
22 O yye a kgakgapa ntlo ka mokana ga yona ka gholdi go segela yi fela; le aletare ka mokana ga yona ya gore ke mo yi le thina le kamara ya go hlawolega ka matla o yye a yi kgakgapa ka gholdi.
23 Fote o makiye makerubi ka mabedi (2) ka dikwata tsa mophayi, lekerubi le lengwana le lengwana le lekana 10 ya dikhyubhiti ka go ya gedimo.
24 Lefafela ka lloši la lekerubi ke mo le lekana kapheta (5) ya dikhyubhiti. Sekgala sa magareng ga lefafela la lekerubi ka lloši ke mo se lekana lesome la dikhyubhiti.
25 Le lekerubi lowa le lengwana ke mo go le 10 ya dikhyubhiti. Makerubi yane ka mabedi (2) ke mo ma lekana fote ma yemme go tshwana.
26 Lekerubi ka lloši ke mo le lekana 10 ya dikhyubhiti ka go ya gedimo, le le lengwana ke mo le le ka mokgonone.
27 O yye a beya makerubi yane ga kamara yo ne ba re ke kamara ya go hlawolega ka matla. Mafafela ya makerubi yane ke mo go le ya magolo tsa gore lefafela ka lloši la lekerubi ke mo le tikisa lepharong, fote yawa ya mangwana ke mo ma gahlana ho gare tsa gore ma feleletse ma tikisana.
28 Fote o yye a kgakgapa makerubi yane ka gholdi.
29 Fote ga mapharo ka mokana ga wona ya ntlo, ka teng le ka tawong ga dikamara, o yye a fala makerubi, mehlare ya mopalema le mabhlomu ya go bhloma.
30 O yye a kgakgapa ho fase ka gholdi ga kamara ya go hlawolega ka matla le kamara ya go hlawolega.
31 Ke mokane ga kamara ya go hlawolega ka matla o makiye dikwalo ka dikwata tsa mohlare wa mophayi, dikholomo tsa ka ho le ka ho le diforemo tsa monyako go le selo sa kapheta (5).
32 Dikwalo tsone ka dipedi (2) ke mo a di makiye ka dikwata tsa mohlare wa mophayi, mone ga tsona a fala makerubi, mehlare ya mopalema le mabhlomu ya go bhloma, fote o yye a di kgakgapa ka gholdi; ke mokane a kgakgapa makerubi le mehlare ya mopalema ka gholdhi.
33 Le monyako wa tempele, o makiye diforemo ka dikwata tsa mophayi go le selo sa kanne (4).
34 O makiye dikwalo ka dipedi (2) ka kwata ya junipha, sekwalo se sengwana ke mo se na le dikopa ka dipedi (2) fote sekopa se sengwanna le se sengwana ke mo se bula se le ntoši.
35 O fadiye makerubi, mehlare ya mopalema le mabhlomu ya go bhloma, ke mokane a di kgakgapa ka gholdi.
36 O yagiye lapa la gore go kena maprista fela ka letlapa la gore le fefiwwe, a le yaga kararo (3) ya malayini ke mokane a tšhela mapolanka ya mopalema.
37 Ka mongwaga wa kanne (4), ka kgwedi ya Zivi* fandhiši ya ntlo ya Jehova ke mo yi šele yi yemme;
38 ka mongwaga wa bo 11, ka kgwedi ya Bhulu* (ya gore ke kgwedi ya mabala (8)), ntlo yowa ka mokana ga yona yi yye ya fela go ya ka mokgo ne ba polanne ka gona. Solomoni o fetsiye kašupa (7) ya mengwaga a yaga ntlo yone.
Ditwaba
^ Gabutšibutši ke “barwayi ba Israyele.”
^ Bona Tsa go Tlats. ga B15.
^ Bona Tsa go Tlats. ga B8.
^ Kela “gana hala ga 27 ya dimitha.” Khyubhiti ka yyoši yi ka lekana
^ Kela “gana hala ga 9 ya dimitha.”
^ Kela “gana hala ga 13 ya dimitha.”
^ Yi rela ka teng ga ntlo.
^ Bona Tsa go Tlats. ga B15.
^ Bona Tsa go Tlats. ga B15.
