Magoši wa Mathomo 7:1-51
7 Solomoni o fetsiye 13 ya mengwaga a yaga ntlo yage go segela a yi fetsa.
2 Fote o yagiye ntlo yo ba reng ke Mašahla ya Lebhanoni ya gore ne yi le 100 ya dikhyubhiti ka go lefa, 50 ya dikhyubhiti ka go nama le 30 ya dikhyubhiti go ya gedimo ka thoko ga lepharo la go ba le dikholomo tsa go lategetsana ka dine (4); fote ke mo go na le makapa ya gore ma makiwwe ka mohlare wa mosidara mone ga dikholomo tsone.
3 Ke mo ba kwadiye makapa yane ka mapolanka ya mohlare wa mosidara, makapa yane ke mo go le 45 ya wona le 15 ya wona ma fodiye ka go lategetsana.
4 Ke mo go na le kararo (3) ya malayini ya mafastere, ga dilayini tsowa ka ditharo (3) mafastere yawa ke mo ma lebanne le ya mangwana.
5 Ka mokana ga gona mo go keniwang le ho monyako ke mo go na le diforemo tsa go ba le dikhona ka dine (4) go fo tshwana le mafastere yawa ya gore ke mo ma lebanne le ya mangwana.
6 Fote o yagiye Holo ya go lekana 50 ya dikhyubhiti ka go lefa le 30 ya dikhyubhiti ka go nama, fote ne go na le ga go kenela gona ga gore go na le dikholomo, fote mahlong ga gona ne go na le se sengwana sa nkare ke lefranta, le gona ne ba rulele.
7 Fote o yagiye Holo ya go Yahlulela ga yona, ya gore ne a nyoko yahlula a duli ga setulo sage sa go lawola—holo yone ka mokana ga yona ke mo ba yi kwadiye ka mapolanka ya mosidara go tlugisela fase go segela makapeng.
8 Ntlo yo ne a nyoko dula ga yona ya gore ne yi le ga lapa la batho ka moka ne yi sa mamarelana le Holo yowa, mara ne di yelana. Fote Solomoni o yagiye le ntlo ya go yelana le Holo yowa, a yagela morwediya wa Faro wa gore ne a mo tsere go le mosadi wage.
9 Tsowa ka mokana ga tsona ne ba di makiye ka matlapa ya go tura ya gore ne ba ma lukisiye ka mokgo ne ba metiye ka gona, ya gore ne ma fefiwwe ka disaga tsa matlapa ka teng le ka tawong, go thomisa ga fandhiši go segela ku gedimo mo lepharo le felelang gona le go segela ka tawong ga lapa la batho ka moka.
10 Fote fandhiši ya gona ne yi makiwwe ka matlapa ya magolo, matlapa ya go tura; ya mangwana ne ma lekana 10 ya dikhyubhiti, mola ya mangwana ma lekana 8 ya dikhyubhiti.
11 Go tokegela gana hone, ke mo go na le matlapa ya mangwana ya go tura ya gore ke mo ba ma fefiye ka mokgo ne ba metiye ka gona le dikwata tsa mosidara.
12 Ga lapa le legolo la batho ka moka ke mo ba yagiye ka matlapa ya gore ma fefiwwe, ne ba yagiye malayini ka mararo ke mokane ba beyye dikwata tsa mohlare wa mosidara ho gedimo, go tshwana le ka mokgo ba makiyeng ga lapa la gore go kena maprista fela ga ntlo ya Jehova le ga go kenela gona.
13 Kgoši Solomoni o yye a kgopela batho gore ba ye Tira ba ye kgopela Hirama, ke mokane Hirama o yye a tla gage.
14 Hirama ke mo go le morwayi wa mosadi wa gore o kgwele ke monna wa go tšwa ga moloko wa Nafthali, fote papage ke mo a tšwa ga naga ya Tira, ke mo a tšiba mmereko wa koporo fote go le segele ga mmereko wa matsogo. Hirama ne a wo tšiba mmereko wowa wa go bereka ka koporo, fote ke mo a wo kwisisa. Byalo, o yye a maka mmereko ka mokana ga wona wo Kgoši Solomoni a mo kgopeleng gore a wo make.
15 O makiye dikholomo ka dipedi (2) tsa koporo; kholomo ye nngwana le ye nngwana ke mo yi lekana 18 ya dikhyubhiti go ya gedimo, ka bokoto ke mo di lekana 12 ya dikhyubhiti.*
16 O makiye tse dingwana tsa go kgabisa ka koporo ga dikholomo tsowa ka dipedi (2) gore a thogo di beya gedimo ga tsona. Ka ssoši ke mo se lekana 5 ya dikhyubhiti go ya gedimo, fote se sengwana le sona ke mo go le 5 ya dikhyubhiti.
17 Dilo tsone tsa go kgabisa tsa gore di gedimo ga dikholomo ke mo ba di kgabisiye ka diketane tse dinyana tsa gore ba di lugiye go tshwana le dithapo; ne ba makiye kašupa (7) ya tsona ga kholomo ka yyoši le kašupa (7) ga kholomo yela ye nngwana.
18 Fote o kgabisiye ka go thala magarenate a maka malayini ka mabedi (2) gedimo ga selo sa go kgabisa so se leng gedimo ga kholomo; o makiye tsotsone gedimo ga sa go kgabisa sa kholomo yo ye nngwana.
19 Dilo tsowa tsa go kgabisa tsa gore di gedimo ga kholomo ke mo ba di makiye go tshwana le mabhlomu ya dilili, fote ke mo di lekana le 4 ya dikhyubhiti go ya gedimo.
20 Dilo tsowa tsa go kgabisa ke mo di le ga dikholomo tsowa ka dipedi (2), di le mo go thomisang diketane tse dinyana tsa gore ba di lugiye go tshwana le thapo; fote ne a thadiye 200 ya magarenate ya go fola layini ma dukuluga ka dipedi ga tsona.
21 O yye a beya dikholomo tsowa ka dipedi (2) mahlong ga tempele.* Ye nngwana o yye a yi beya letsogong la go ja ke mokane a yi reya gore ke Jakini,* ye nngwana a yi beya letsogong la mpata ke mokane a yi reya gore ke Bhowase.*
22 Ke mokane mo gedimo ga dikholomo ga gore ba beyye tsa go kgabisa ke mo go thadiwwe mabhlomu ya dilili. Byalo mmereko wa go maka dikholomo ke mo wo fediye.
23 Ke mokane o yye a maka Ledhamo la tshipi la gore ne go le kgokolo, la gore molomo wa lona ne go le 10 ya dikhyubhiti fote le lefiye 5 ya dikhyubhiti go ya gedimo, thapo yo ne ba meta ka yona ke mo yi lekana 30 ya dikhyubhiti mo ba le tantetsa.
24 Fote ne a kgabisiye ka diyengwa tsa kgokolo mo dimpeng tsa lona go le dukuluga, diyengwa tsowa ke mo di lekana 10 ya dikhyubhiti go dukuluga Ledhamo lowa, ne di makiye malayini ka mabedi (2).
25 Ne le duli gedimo ga 12 ya dikgomu tsa dipholo, kararo (3) ya tsona ne di libiye lebowa, kararo (3) ya tsona ne di libiye bodikela, kararo (3) di libiye borwa, ke mokane kararo di libiye bohlabela; Ledhamo ke mo le duli gedimo ga tsona fote mesila ya tsona yi le gare ga Ledhamo lowa mara yi sa tikisane.
26 Ka bokoto ke mo le teya ka ku ga 7 ya disenthimitha;* fote mo molomong ne yi yemme nkare molomo wa komitši go fo tshwana le lebhlomu la lili mo le bhloma. Ne le ka kgona go tlatsa ke meetši ya go lekana 2 000 ya dibhafu.*
27 Ke mokane a maka lesome (10) la dikotšikara ka koporo. Sekotšikara ka ssoši ke mo se lekana kanne (4) ya dikhyubhiti ka go lefa, kanne (4) ya dikhyubhiti ka go nama le kararo (3) ya dikhyubhiti go ya gedimo.
28 Dikotšikara tsowa ke mo di le ka mokgo: Ne di na le mahlaya, fote mahlaya yane ke mo ma na le diforemo tsa go makiwa ka koporo.
29 Gare ga foremo ye nngwana le ye nngwana ke mo a fadiye ditawu, dikgomu tsa pholo le makerubi, fote le ka gedimo ne a fadiye ka mokgonone. Ka gedimo le ka tlase ga ditawu le dipholo ke mo a kgabisiye.
30 Sekotšikara se sengwana le se sengwana ke mo se na le mabilo ka mane (4) ya gore ne ma na le diphate tsa koporo tsa go kgona go ma jikisa, fote ke mo se na le diphate ka dine (4) tsa koporo tsa gore ne di gelepa mabilo yawa gore ma sepele gabutši. Ka tlase ga sa nkare ke lepolete ne go na le tsa go yi thegeletsa mathoko ka moka tsa gore le tsona ke mo di kgabisiwwe.
31 Sekotšikara so ke mo se bula ho gedimo, ho ga go bula ke mo go le kgokolo fote ke mo go lekana khyubhiti ka yyoši ka go lefa go tlugisela ka tlase ga lona. Ho gedimo ga go bula ga lepolete ke mo go fadiwwe, fote mahlaya ya lona ke mo go se kgokolo mara ke mo go le dikhona ka dine (4). Ho gedimo le tsa go gelepa go thegeletsa ke mo di maka khyubhiti ka yyoši le sekopa go ya gedimo.
32 Mabilo ka mane (4) ne ma le ka fase ga mahlaya ya sona, fote tso tsa go thegeletsa mabilo ke mo di hlomegetsanne le sekotšikara, lebilo ka lloši ke mo le lekana khyubhiti ka yyoši le sekopa go ya gedimo.
33 Mabilo ya sona ke mo ma makiwwe go tshwana le mabilo ya sekotšikara sa go tlwayelega. Dilo tsa ka mo teng ga mabilo tsa go maka gore ma sepele, tsa go ma thega le selo sa mo gare ga mabilo, ka mokana ga tsona ke mo di makiwwe ka koporo.
34 Diphate ka dine (4) tsa gore di thega sekotšikara ke mo ba di hlomegetsiye ga dikhona ka dine (4) tsa sekotšikara se sengwana le se sengwana go le selo ka ssoši.
35 Mo gedimo ga sekotšikara ke mo go na le selo sa gore se dukuluga lepolete, selo sone ke mo se lekana le sekopa sa khyubhiti, foremo ya sona le mahlaya ya sona ke mo ba di hlomegetsiye ga sekotšikara sone go le selo ka ssoši.
36 Mo gedimo ga foremo yone le mahlaya ya yona o yye a fala makerubi, ditawu le mehlare ya mopalema di ya ka gore go na le ga go ngwalela, fote o yye a fala tsa go kgabisa ga foremo yone le mahlaya ya yona.
37 Nka mokgo a makiyeng lesome (10) la dikotšikara, ka mokana ga tsona ne di lekana fote di yemme go tshwana.
38 O makiye lesome (10) la mapolete ka koporo; ka lloši ke mo le ka kgona go tlatsa 40 ya dibhafu. Lepolete ka lloši ne le lekana kanne (4) ya dikhyubhiti ka bogolo. Ga lesome (10) la dikotšikara tso, se sengwana le se sengwana ne se na le lepolete la sona.
39 O beyye kapheta (5) ya dikotšikara ga letsogo la go ja la ntlo ke mokane a beya kapheta (5) ga letsogo la mpata la ntlo, a beya le Ledhamo ga letsogo la go ja la ntlo ga gore ke borwabohlabela bya ntlo.
40 Fote Hirama o makiye le mapolete ya mangwana, difošolo le ditša tsa motšiti. Byalo, Hirama o fetsiye mmereko ka mokana ga wona wo Kgoši Solomoni a mmutsiyeng gore a wo make ntlong ya Jehova, dilo tsa gona ke:
41 dikholomo ka dipedi (2) le dilo ka dipedi tsa go kgabisa tsa gore ne di duli gedimo ga tsona tsa nkare ke motšiti; diketane ka dipedi (2) tse dinyana tsa gore ba di lugiye nkare ke thapo tsa gore ne di tantetsiye dilo tsa go kgabisa tsa nkare ke motšiti tsa gore ne di beyiwwe gedimo ga dikholomo;
42 400 ya magarenate ga diketane tsowa tse dinyana, malayini ka mabedi (2) ya magarenate ga diketane tsowa ya gore ke mo ma tantetsa dilo tsowa tsa nkare ke motšiti tsa gore ne di le gedimo ga dikholomo tsowa ka dipedi;
43 lesome (10) la dikotšikara le lesome (10) la mapolete ya gore ne ma le gedimo ga dikotšikara tsowa;
44 Ledhamo le 12 ya dikgomu tsa gore di ka tlase ga Ledhamo;
45 dipane tsa go tshwara luta, difošolo, ditša tsa motšiti le ditša tsa mošaga wo mongwana ka mokana ga tsona tsa gore Hirama o di makiye ka koporo tso Kgoši Solomoni a mmutsiyeng gore a di make a makela ntlo ya Jehova.
46 Kgoši yitseri ba di make ka letsopa, ba di makele polekeng ya noka ya Jorodane ya gore yi gare ga Sukhothe le Zarethani.
47 Solomoni aa kala ditša tso di makiwweng ka taba la gore ne di tlele ka matla. Gore koporo yowa ke mo yi roba go segela kaye ke mo di sa tšibege.
48 Solomoni o makiye dithulusi tsowa ka moka tsa ntlo ya Jehova: aletare ya gholdi, tafola ya gholdi ya gore ne ba beya sekgwa sa go hlawolega;
49 kapheta (5) ya ditšhubampara tsa gholdi tsa gore ne di le ga letsogo la go ja, kapheta (5) ya tsona ga letsogo la mpata di le mahlong ga kamara ya go hlawolega ka matlamatla; mabhlomu, malampa le dilo tsa gholdi tsa go tshwara malampa
50 Tsa go hlapela matsogo ga tsona, dilo tsa nkare ke dikero tsa go tima malampa, ditša tša motšiti, dikomitši, dipane tsa go rwala magala tsa gholdi fote le dimeremere tsa menyako ya kamara ya ka teng ya gore ke kamara ya go Hlawolega ka Matla le menyako ya ntlo ya tempele ya gholdi.
51 Byalo, Kgoši Solomoni o fetsiye mmereko ka mokana ga wona wa gore ne a tshwanele a wo make ntlong ya Jehova. Solomoni o yye a leya dilo tso papage Dafita a yyeng a di maka gore di hlawolege, o yye a tšhela silva, gholdi le dilo tsa mayemo ya gedimo ga dikamara tso ba beyang dilo tsa go tseyediwa gedimo ntlong ya Jehova.
Ditwaba
^ Kela “ke mo di lekana thapo ya 12 ya dikhyubhiti mo ba di tantetsiye. ”
^ Howa yi rela Poleke ya go Hlawolega.
^ Yi rela gore “Nkare Jehova a ka Tiyisa Poleke yowa.”
^ Yi ka fo rela gore “Ka Matšhika.”
^ Ke dinwana ka dine (4) mo gahlanne. Bona Tsa go Tlats. ga B14.
^ Ke gana hala ga 44 000 ya dilitha. Bona Tsa go Tlats. ga B14.
