Makorente wa Mathomo 14:1-40
14 Ariyeneng mahlong le nyakanana fote le karakare ka matla gore le kraye dilo tsa go tšwa ga Modimo, ka matlamatla gore le thogo porofeta.
2 Ka gore ye a bolabolang ka mmolabolo wo mongwana, aa bolabole le batho mara o bolabola le Modimo, fote aa kwe ke motho ka gore o bolabola diphiri tsa go hlawolega a tšhofa ke moya.
3 Mara wa gore wa porofeta, o yagisa batho ba bangwana, wa ba tiyisa fote wa ba kgomoletsa ka tso a di bolabolang.
4 Byalo, ye wa gore o bolabola mmolabolo wo mongwana, wa titiyisa yene mong, mara wa gore wa porofeta o tiyisa phutego.
5 Byalo, ke nyaka gore ka mokana ga lune le bolabole ka mebolabolo ye mengwana, mara ke bona di le gabutši mo le ka porofeta. Ka gore ka nnete ye wa go porofeta o phala ye wa go bolabola ka mebolabolo ye mengwana, aritši kela mo a ka hlatolla, nakwenngwana a ka tiyisa phutego.
6 Magageru, mo nka tla hone ga lune ke bolabola mmolabolo wo mongwana, ayitsano tsotsone di nyoko le gelepa ka ying? Mo nkare ke nyaka go le gelepa di nyaka ke le wunyullele dilo tsa go tšwa ga Modimo, ke le botse tso ke di tšibang fote ke le porofetele le go le tšhutisa tso di tšwang ga Modimo.
7 Dilo tsowa di fo tshwana le dilo tsa go teya dikoša, tsa go tshwana le flutu kela harepa. Mo nkare motho aa di teye gabutši, koša yage yi ka sa kwagale.
8 Ka taba la gore mo porompeta yi ka sa kwagale gabutši, batho ba ka sa tilukiselele go ya ntweng.
9 Le lune mo le sa bolabole dilo tsa gore di lula go di kwisisa, le tseya nkare batho ba nyoko tšiba gore le re king? Gabutšibutši tso le di bolabolang di nyoko tseya ke phefo.
10 Mo lefaseng, batho ba bolabola ka mebolabolo ya go tlala, fote ka mokana ga yona ya kwagala.
11 Ka gore mo nka sa kwisisi mmolabolo wa motho ye mongwana ke nyoko ba ke tshwana le motho wa go tšwa a sepela, le yene o nyoko tshwana le motho wa go tšwa a sepela ho gaka.
12 Byalo, ka taba la gore le lune le nyaka dilo tsa go tšwa ga Modimo, ka matlamatla le nyakeneng tsa gore di nyoko tiyisa phutego.
13 Byalo ye a kgonang go bolabola ka mmolabolo wo mongwana, a rapele gore a thogo hlatolla tso a di bolabolang.
14 Ka gore nna mo ke rapela ka mmolabolo wo mongwana ke ba ke tšhofa ke moya wa go hlawolega gore ke rapele ka mokgonone, mara a yi gore tso ke di bolabolang ke ya di kwisisa.
15 Byalo, go nyoko makega ying? Ke nyoko rapela ka mokgo moya wa go hlawolega wo ntšhofang gore ke rapele ka gona, fote ke nyoko boya ke rapela ka mmolabolo wa gore ke ya wo kwisisa. Ke nyoko yepelela ka mokgo moya wo ntšhofang gore ke yepelele ka gona fote ke nyoko boya ke yepelela ka mmolabolo wa gore ke ya wo kwisisa.
16 Mo le ka rapela ka mokgo moya wa go hlawolega wo le tšhofang gore le rapele ka gona, motho wa gore aa tšhutega a ka sa hlaye gore “Amene,” ka taba la gore o ko ba a sa kwe tso le di hlayang.
17 Ke nnete gore le rapela gabutši, mara tsone a di yagisi motho.
18 Ke leboga Modimo gore ke kgona go bolabola mebolabolo ya go tlala go feta lune.
19 Mara mo ke le ka ho phutegong, go ka ba kawone gore ke bolabole mantsu ya gore a maa tlala mara ke berekisa mmolabolo wa gore wa kwisisega, ke sa bolabole mantsu ya go tlala ka mmolabolo wa gore a wo kwisisi ke motho.
20 Magageru, le sa nagane go tshwana le dibananyana, mara le tshwane le dibananyana ga dilo tsa go befa fote le nagane go tshwana le batho ba gore ba butšwiye mabyokong.
21 Molawo wa Moše wo re: “Jehova o re ‘ke nyoko bolabola le batho bowa ke berekisa batho ba go bolabola mebolabolo ya mehlobohlobo le ba go tšwa ba sepela, mara ba ka sa ntheetsele le mo ke maka ka mokgonone’”
22 Tso tsa go bolabola ka mebolabolo ya mehlobohlobo a yi tsa batho ba go dumela ga Jeso, ke tsa ba gore a ba dumele gage, mara tsowa tsa go porofeta ke tsa batho ba gore ba dumela ga Jeso, a yi tsa batho ba gore a ba dumele gage.
23 Byalo, mo le gahlanne ggoši fote ka mokana ga lune le bolabola ka mebolabolo ya mehlobohlobo, ke mokane gwa kena motho wa gore aa tšhutega kela wa gore aa dumele ga Jeso, ayitsano a ka sa tseyi gore le ya hlanya?
24 Mara mo motho wa gore aa dumele ga Jeso kela wa go sa tšhutega a kraya le porofeta, tso le di bolabolang di nyoko mo wolola dya boya dya maka gore a tinyakolle.
25 Tso di leng ka ku tengteng ga pelo yage di nyoko tšwela tawong ke mokane o nyoko kgotama a rapela Modimo, a re: “Ka nnete Modimo o na le lune.”
26 Magageru, re nyoko maka byang mara? Mo le gahlana, ye mongwana wa yepelela, ye mongwana wa tšhutisa, ye mongwana o wunyulla ditaba tsa go tšwa ga Modimo, ye mongwana o bolabola ka mmolabolo wo mongwana, ye mongwana wa hlatolla. Byalo, mo le maka dilo tsone ka mokana ga tsona le bone gore di tiyisa phutego.
27 Mo nkare go na le ba go bolabola ka mmolabolo wo mongwana, di nyaka gore ba tšhentšhane, go be ka babedi kela ka bararo fote go be le wa go hlatolla.
28 Mara mo nkare a go na wa go hlatolla, a tikgomolelele ka ho phutegong, a tipolabolele a ntoši fote a bolabole le Modimo.
29 Go bolabole baporofeta ka babedi kela ka bararo ke mokane ba bangwana ba liketse go kwisisa gore tso ba di hlayang di ra gore king.
30 Mara mo Modimo a wunyullela ye mongwana ditaba mo a kene a le gana hone phutegong, ye a bolabolang ka nako yonone a nape a kgomolele.
31 Ka gore ka mokana ga lune le ka di kgona go porofeta le šiyelana, gore le thogo tšhutisa batho ka mokana ga bona le go ba tiyisa.
32 Mo baporofeta ba berekisa tso Modimo a ba neyyeng tsona ka moya wa go hlawolega, di nyaka ba di berekise gabutši.
33 Modimo ke Modimo wa go beba fote o maka dilo tsage ka letheto.
Ga diphutego ka mokana ga tsona tsa ba go hlawolega, ke re:
34 Basadi ba kgomolele mo ba le ka ho diphutegong, ka gore a baa tshwanela go bolabola, mara di nyaka ba tinyanafatse go ya ka molawo.
35 Mo nkare ba nyaka go tšhuta tse dingwana, ba butsise banna ba bona ku magaye, ka taba la gore di ya tšebisa gore mosadi a bolabole ka ho phutegong.
36 Anthe lentsu lowa la Modimo le tšwa ga lune, kela le segelele lune le ntoši?
37 Mo nkare go na le wa gore o nagana gore yene ke moporofeta kela go na le tso Modimo a mo neyyeng gore a di make, o tshwanele a di tšibe gore tso ke le ngwalelang tsona ke molawo wa go tšwa ga Morena.
38 Mara mo nkare go na le wa go fo tiwomisa hlogo, a ye mahlong a kene a womme hlogo*
39 Byalo magageru, le karakare gore le thogo porofeta, mara le sa rakele bo ba gore ba bolabola ka mebolabolo ya mehlobohlobo.
40 Dilo ka moka di makiwe gabutši fote ka letheto.
Ditwaba
^ Di ka fo rela gore “Mo nkare go na le wa gore aa nyake go theetsela a fo ya mahlong a kene a le ka mokgonone.”
