Makorente wa Mathomo 3:1-23
3 Magageru a le soko tiyelela ga tso tsa Modimo, byalo mo ke bolabola le lune di fo tshwana le mo ke bolabola le batho ba gore a baa tlalela ga tso tsa Modimo, mara ba tlalele ga tso tsa lefase fote a ba soko kwisisa dilo tsa Kreste.
2 Ke mo le soko bane le tiyelela, byalo a ke ya le neya tsa go ja tsa go tiya, ke le neyye lebese. Gabutšibutši le gana byalo a le soko tiyelela
3 ka gore le sa tlalele ga tso tsa lefase. Ka taba la gore le sa jelaselana fote a le kwane, ayitsano tsotsone a di rele gore le tlalele ga tso tsa lefase fote le fo tshwana le batho ba bangwana?
4 Nje mo ye mongwana a re “Nna ke nna wa Pawulo,” ye mongwana a re “Nna ke nna wa Apholo,” tsotsone a di rele gore le tshwana le batho ba bangwana?
5 Byalo Apholo ke mang? Pawulo yene? Go fo ba malata ga mmereko wo Morena a re neyyeng wona, fote le dumele ka taba la bona.
6 Nna ke gašiye, Apholo a tšheletsa, mara Modimo ke yene a yyeng a maka gore di gole
7 gore go sa thanakiwi ye wa go gaša kela ye wa go tšheletsa mara go thanakiwe Modimo ka taba la gore ke yene a di gudisang.
8 Mmereko wa ye wa go gaša le ye wa go tšheletsa wa tshwana, mara ye mongwana le ye mongwana o nyoko kraya patela yage di ya ka mmereko wo a wo makiyeng.
9 Re berekisana le Modimo. Lune le tshwana le tšhomo ya gore yi lema ke Modimo, ntlo ya gore yi yaga ke Modimo.
10 Ka taba la gore Modimo o nkwele go baba, ke kgonne go yaga fandhiši go tshwana le mmeselane wa gore ke segele, mara go na le motho ye mongwana ye a yagang gedimo ga yona. Byalo ye mongwana le ye mongwana a pasope ka mokgo a yagang mo ga yona.
11 Ka gore aa šiyo ye a ka yagang fandhiši ya go phala yo yi leng gona, fandhiši yone ke Jeso Kreste.
12 Byalo mo ye mongwana a yaga mone ga fandhiši yone a berekisa gholdi, silva, matlapa ya go tseyediwa gedimo, kwata kela hlokwa,*
13 di nyoko bonala mo letšatši lone le segela gore ye mongwana le ye mongwana o makiye byang, ka taba la gore di nyoko bonala mo di tšhuba ke mollo, ke mokane mollo wone wo nyoko šupetsa gore ke mang ye a yagiyeng gabutši.
14 Mo go ka ba le so se šalang ga tso di yagiwweng, mong wa tsona o nyoko rufiwa;
15 ye tsage di swang o ko ba a lobiye, mara yene o nyoko phonisiwa go tshwana le motho wa gore o phonne mollong.
16 Anthe a le di tšibi gore le tshwana le tempele ya Modimo le gore moya wage wo mo ga lune?
17 Ye a sinyang tempele ya Modimo, Modimo o nyoko fetsa ka yene, ka gore tempele yage yi hlawolegiye fote ke lune tempele ya gona.
18 Le sa titshokanye. Mo nkare ho ga lune go na le ye a naganang gore o hlalefiye ga lefase lowa la gore le sinyegiye,* a timake nkare ke sephokophoko, mo a maka ka mokgonone o ko ba a hlalefiye ga Modimo.
19 Ka taba la gore mahlalefelo ya lefase lowa ke bophokophoko ga Modimo, go ngwadiwwe gore: “Modimo o lisetsa bo ba go tseya nkare ba hlalefiye ba tiphiriketsa bona beng.”
20 Taba ye nngwana ke gore: “Jehova wa di tšiba gore tso di naganang ke bo ba go tseya nkare ba hlalefiye a di re selo.”
21 Byalo le sa kganyi ka tso batho ba di makang ka gore Modimo o le neyye dilo ka mokana ga tsona,
22 le mo go ka fo ba ka Pawulo kela Apholo kela Khefase* kela lefase lowa kela ka lephelo kela ka likgu kela ka dilo tso di leng gona gana byalo kela tso di sa tlang, ka gore Modimo o le neyye dilo ka mokana ga tsona;
23 lune ke lune ba Kreste, Kreste yene ke wa Modimo.
Ditwaba
^ Kela “mabyang ya go woma.”
^ Bala ga Dihlatollo Tsa Mantsu.
^ Wa gore fote ba re ke Petro.
